ဗိုလ်ချုပ်အောင်ဆန်း ကို ၁၉၁၅ခု၊ ဖေဖေါ်ဝါရီလ ၁၃ ရက်နေ့ ၌ နတ်မောက်မြို့မှာ ဖွားမြင်ခဲ့ပါတယ်။ ငယ်မည် ကိုတော့ ‘မောင်ထိန်လင်း’ လို့သိကြပါတယ်။ မိဘများကတော့ ဦးဖာ နှင့် ဒေါ်စု ပါ။

ဗိုလ်ချုပ် ဟာ မြန်မာ့လွတ်လပ်ရေးအတွက် အဓိက အခန်းကဏ္ဍ က ပါဝင်ခဲ့သလို ပြည်ထောင်စု ကိုလည်းပုံဖေါ် ပေးခဲ့တာကြောင့်၊ မြန်မာတစ်မျိုးသားလုံးက သူ့ကို အမှတ်ရ တမ်းတမိနေကြတာပါ။ ဒီလိုနိုင်ငံ့ကျေးဇူးရှင်ကြီး ကို သူ့ရဲ့မွေးနေ့ အမှတ်တရနေနှင့် သာမက ပြည်ထောင်စုနေ့ အထိမ်းအမှတ် အဖြစ်ပါ တက္ကသိုလ်နေ၀င်း (ဗိုလ်ထွန်းလှ) ရေးသားခဲ့တဲ့ “အမျိုးသာခေါင်းဆောင်ကြီး ဗိုလ်ချုပ်အောင်ဆန်း၏ စည်းရုံးရေးစွမ်းရည်” ဆိုတဲ့ ဆောင်းပါးလေးနင့် ဂုဏ်ပြုလိုက်ပါတယ်။

ဗိုလ်ချုပ်ကို… အားလုံးက ထာဝစဉ် သတိရလျှက်ပါ…

ဘဇံလင်း (February 13, 2008).

*        *        *        *

အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ စည်းရုံးရေးစွမ်းရည်

တက္ကသိုလ်နေ၀င်း

မြန်မာ့ လွပ်လပ်ရေးသမိုင်းကို မှတ်တန်းတင်ရေးသားသည်ရှိသော် ၁၉၄၇-ခုနှစ်ဆန်းက ဗိုလ်ချုပ်အောင်ဆန်း ခေါင်းဆောင်သော မြန်မာကိုယ်စားလှယ်အဖွဲ့ တစ်ဖွဲ့သည် မြန်မာ့လွတ်လပ်ရေးကိစ္စအရေးဆိုရန် ရန်ကုန်မြို့မှ ဗြိတိန်နိုင်ငံ၊ လန်ဒန်မြို့သို့ သွားရောက်ခဲ့သည်ကိုလည်းကောင်း၊ ဗိုလ်ချုပ်တို့ အဖွဲ့နှင့် ဗြိတိသျှနန်းရင်းဝန် (၀န်ကြီးချုပ်) မစ္စတာအက်တလီဦးဆောင်သည့် ဗြိတိသျှကိုယ်စာလှယ်အဖွဲ့တို့ ၁၉၄၇-ခုနှစ်၊ ဇန်န၀ါရီလ ၁၃ ရက်နေ့မှစ၍ လန်ဒန်မြို့ရှိ ကမ္ဘာကျော် လိပ်စာတစ်ခုဖြစ်သော အမှတ် ၁၀၊ ဒေါင်းနင်းလမ်း (No. 10, Downing Street)တွင် စတင်ဆွေးနွေးခဲ့သည်ကို လည်းကောင်း ချန်လှပ်ထားလိုက်ပါက ပြီးပြည့်စုံမည် မဟုတ်ချေ။

ထိုနှစ်ဆန်းက သမိုင်းတွင်ကျန်ရစ်မည့် ရက်စွဲတစ်ခုကား ၁၉၄၇ ခုနှစ်၊ ဇန်န၀ါရီလ ၂၇ရက်နေ့ပင် ဖြစ်သည်။ အကြောင်းမူကား ထိုနေ့တွင် ဗြိတိသျှအစိုးရက မြန်မာနိုင်ငံအား တစ်နှစ်အတွင်း လုံးဝလွပ်လပ်ရေး ပေးပါတော့မည်ဟု အာမခံချက်ပေးသည့် ‘အောင်ဆန်း-အက်တလီစာချုပ်’ ကိုအောင်မြင်ချောမောစွာ လက်မှတ်ရေးထိုး လိုက်ကြသောကြောင့်ပင်တည်း။

‘လုံးဝလွတ်လပ်ရေး’ ဆိုသည်မှာလည်း မြန်မာပြည်မနှင့်တကွ တောင်တန်းဒေသရှိ လူမျိုးစုများနေထိုင်ရာဒေသ (ပြည်နယ်) များ အပါအ၀င် UNION ‘ယူနီယံ’ ခေါ် ‘ပြည်ထောင်စု’ ပုံစံအဖြစ် လွတ်လပ်ရေးပေးခြင်းကို ဆိုလိုပေသည်။

(မှတ်ချက်။      ။ ၂၇-၁-၄၇ နေ့တွင် ‘အောင်ဆန်း-အက်တလီစာချုပ်’ လက်မှတ်ရေးထိုးပြီးနောက် ၁၉-၇-၄၇ နေ့တွင် ဗိုလ်ချုပ်နှင့် တကွ အပေါင်းအပါ အာဇာနည်ခေါင်းဆောင်ကြီးများ လုပ်ကြံခံရ၍ ကျဆုံးသွားလင့်ကစား ဗိုလ်ချုပ်၏ ဦးဆောင်မှုဖြင့် ဆွေးနွေးတောင်းဆိုရာမှ ရရှိခဲ့သော ‘အောင်ဆန်း-အက်တလီစာချုပ်’သည် ပျက်ပြယ်မသွားခဲ့ပါချေ။ ၁၉၄၇-ခုနှစ်၊ ဇူလိုင်လ ၁၉ ရက်နေ့ ညပိုင်းမှာပင် ဗိုလ်ချုပ်အောင်ဆန်းနေရာ ဆက်ခံရန်၊ တာဝန်ဆက်လက်ယူရန် ဗြိတိသျှဘုရင်ခံက ဖဆပလအဖွဲ့ချုပ် ဒုတိယဥက္ကဋ္ဌ သခင်နု (ဦးနု)ကို ဖိတ်ခေါ်ခန့်ထားပြီးနောက် မကြာမီ ဦးနု ကိုယ်တိုင် ဗြိတိသျှအစိုးရ၏ ဖိတ်ခေါ်ချက်အရ လန်ဒန်မြို့သို့ သွားရောက်၍ လွတ်လပ်ရေးအပြီးသတ် အစီအစဉ်အဖြစ် ‘နု-အက်တလီစာချုပ်’ကို လက်မှတ်ရေးထိုးနိုင်ခဲ့ပါသည်။)

မည်သို့ပင်ဖြစ်စေ ‘တစ်နှစ်အတွင်း လုံးဝလွတ်လပ်ရေးပေးပါမည်’ ဟု ဗြိတိသျှ အစိုးရက အာမခံချက်ပေးခဲ့သည့် ‘အောင်ဆန်း-အက်တလီစာချုပ်’ အရ မြန်မာနိုင်ငံသည် ၁၉၄၈-ခု၊ ဇန်န၀ါရီ ၄ ရက်နေ့၊ နံနက် ၄နာရီ မိနစ်၂၀ မှစ၍ ‘ပြည်ထောင်စုသမ္မတနိုင်ငံ’ အဖြစ် လွတ်လပ်သော အချုပ်အခြာအာဏာပိုင်နိုင်ငံ ဖြစ်လာခဲ့သောကြောင့် ယင်းသို့ တကယ်လွတ်လပ်ရေးရချိန်၌ သူ အသက်ထင်ရှား မရှိတော့လင့်ကစား သူ၏ဦးဆောင်ကြိုးပမ်းမှုကြောင့် လွတ်လပ်ရေးရခဲ့ခြင်းဖြစ်လေရာ ဗိုလ်ချုပ်အောင်ဆန်းအား ‘လွတ်လပ်ရေးဗိသုကာ’ ဟု ဂုဏ်ပြုတင်စား ခေါ်ဝေါ်နေကြခြင်းဖြစ်သည်။

ယနေ့လူငယ်များ အထူး သိရှိမှတ်သားကြစေချင်သည်ကား လွတ်လပ်ရေး အတွက် ၂၇-၁-၄၇ နေ့က လန်ဒန်မြို့တွင် လက်မှတ်ရေးထိုး ချုပ်ဆိုခဲ့သော ‘အောင်ဆန်း-အက်တလီစာချုပ်’ကို ဗိုလ်ချုပ်အောင်ဆန်းအနေဖြင့် အခက်အခဲမရှိ လွယ်ကူချောမောစွာ ချုပ်ဆိုနိုင်ခဲ့ခြင်း မဟုတ်ဟူသော အချက်ပင်တည်း။

*        *        *

ဗိုလ်ချုပ်အောင်ဆန်းသည် လန်ဒန်မြို့သို့ရောက်ပြီး ၀န်ကြီးချုပ် မစ္စတာအက်တလီ ခေါင်းဆောင်သော ဗြိတိသျှအစိုးရအဖွဲ့နှင့် စတင်ဆွေးနွေးကြသည့် ၁၉၄၇-ခု၊ ဇန်န၀ါရီလ ၁၃ ရက်နေ့ကပင် သူ၏လိုလားချက်ကို ဘွင်းဘွင်းနှင့် ပြတ်သားစွာပင် တောင်းဆိုခဲ့သည်။ သူ့အနေဖြင့် မြန်မာနိုင်ငံ ပြည်မအတွက်သာမက တောင်တန်ဒေသရှိ တိုင်းရင်းသားလူမျိုးစုအတွက်ပါ ကိုယ်စားပြု၍ လာရောက်ခြင်းဖြစ်ကြောင်း၊ လိုချင်သည့် လွတ်လပ်ရေးပုံစံကလည်း ပြည်မနှင့် တောင်တန်းဒေသနေ လူမျိုးစုများ၏ ဒေသနယ်ပယ် (ပြည်နယ်) များ စုပေါင်းဖွဲ့စည်းအပ်သည့် UNION ‘ပြည်ထောင်စု’ အသွင်မျိုးဖြစ်ကြောင်းကို ရဲဝံ့ပြတ်သားစွာ ပြောခဲ့ခြင်းဖြစ်သည်။

ယင်းသို့ ဆွေးနွေးပွဲတွင် စတင်အရေးဆိုနေဆဲမှာပင် အနှောက်အယှက်၊ အထစ်အငေါ့တစ်ခု ပေါ်လာပါတော့သည်။

ယင်းကား ဗြိတိသျှ အစိုးရထံသို့ မြန်မာနိုင်ငံမှ ကြေးနန်းတစ်စောင် ရောက်လာခြင်းဖြစ်သည်။ ကြေးနန်းစာတွင် ယခု လန်ဒန်ရောက်နေသူ အောင်ဆန်းသည် တောင်တန်ဒေသ တိုင်းရင်းသားလူမျိုးစုများကို ကိုယ်စားမပြု၊ အထူးသဖြင့် ရှမ်းပြည်နယ်ကို ကိုယ်စားပြုသူမဟုတ်၊ မြန်မာပြည်မ၏ ကိုယ်စားလှယ်သာဖြစ်ကြောင်း ပါရှိလာပြီး ကြေးနန်းစာ၏ အောက်တွင် ရှမ်းစော်ဘွားနှစ်ဦး၏ အမည် ပါလာသည်။

ဤတွင် ဗြိတိသျှ အစိုးရက အဆိုပါ ကြေနန်းစာကိုပြပြီး ဗိုလ်ချုပ်အောင်ဆန်းအား ‘မင်းပြောသလို တိုင်းရင်းသား လူမျိုးစုများကို ကိုယ်စားပြု အရေးဆိုပိုင်ခွင့်မရှိ’ဟု ပြောပါသည်။

ကြေးနန်းစာကြောင့် သခင်မြစသော မြန်မာကိုယ်စားလှယ်အဖွဲ့ဝင်များသည် အထူးစိုးရိမ် တုန်လှုပ်သွားသော်လည်း ဗိုလ်ချုပ်အောင်ဆန်းကမှု ယခုကြေနန်းရိုက်သူ စော်ဘွားနှစ်ဦးသည် လူနည်းစုသာဖြစ်ကြောင်းသိသဖြင့် ဣနြေ္ဒမပျက်ချေ။

ရှမ်းစော်ဘွားနှစ်ဦးက ဗြိတိသျှအစိုရထံ ကြေးနန်းရိုက်လိုက်ကြောင်းကို ရန်ကုန်မြို့ရှိ ဖဆပလဋ္ဌာနချုပ်မှ တာဝန်ရှိလူကြီးများက ကြားသိရလေရာ ချက်ချင်းပင် တန်ပြန်လှုပ်ရှားမှုတစ်ခုကို ပြုလုပ်ကြပါသည်။

ရှမ်းပြည်နယ် လွတ်လပ်ရေးအဖွဲ့ချုပ်မှ ဦးတင်အေး (နောက်ပိုင်း နိုင်ငံတော် ကောင်စီဝင်)၊ ဦးထွန်းမြင့် (တောင်ကြီး) တို့နှင့်တိုင်ပင်၍ ဗိုလ်ချုပ်အောင်ဆန်းအား အလေးအနက် ထောက်ခံသည့် လူထုစည်းဝေးပွဲတစ်ရပ် ပြုလုပ်ရန် ဗိုလ်မှုးအောင် (ရဲဘော်သုံးကျိပ်)၊ ဗိုလ်ထွန်းလင်း (ပြည်သူ့ရဲဘော်) နှင့် ဦးဖေခင် (နောက်ပိုင်းသံအမတ်ကြီး၊ အငြိမ်းစား) တို့အား တောင်ကြီးမြို့သို့ စေလွှတ်လိုက်ပါသည်။

ဦးတင်အေးနှင့် ဦးထွန်းမြင့် (တောင်ကြီး) တို့သည် ဗိုလ်ချုပ်အောင်ဆန်း၏ ခေါင်းဆောင်မှုကို အကြွှင်းမဲ့ လက်ခံ ယုံကြည်သူများဖြစ်သည့်ပြင် အလွန်တက်ကြွသော လူငယ်များဖြစ်သည့်အလျောက် သူတို့ခေါင်းဆောင်သည့် ရှမ်းပြည်နယ် လွတ်လပ်ရေးအဖွဲ့ချုပ် သည် ရှမ်းပြည်နယ်တွင် အထူးသြဇာညောင်းပြီး လူငယ်ထုအား စည်းရုံးသိမ်းသွင်းနိုင်ခဲ့ပါသည်။ ထို့ကြောင့် ဦးတင်အေး အမှုးပြုသော အဖွဲ့ချုပ်ခေါင်းဆောင်များက ပြည်နယ်အတွင်းရှိ မြို့နယ်အဖွဲ့ခွဲများအား စော်ဘွားနှစ်ဦး ဘိလပ်သို့ ကြေးနန်းရိုက်ခြင်းကို ကန့်ကွက်ရှုတ်ချသည့် အစည်းအဝေးများ ပြုလုပ်၍ ဆန္ဒ ပြကြရန် ညွှန်ကြားလိုက်သည်။ ထို့ပြင် တောင်ကြီးမြို့နယ်တွင် လူတန်းစား အလွှာအသီးသီးပါဝင် သည့် လူထုစည်းဝေးပွဲကြီးတစ်ရပ် ကျင်းပရန် စီစဉ်လိုက်သည်။ ယင်းလူထုစည်းဝေးပွဲသို့ တက်ရောက်သူလူဦးရေမှာ နှစ်ထောင်ကျော်ရှိရာ မြန်မာပြည်မတွင်ဆိုလျှင် ပရိတ်သတ် မများလှဟုဆိုနိုင်သော်လည်း ရှမ်းပြည်နယ်အဖို့မှာမူ မကြုံစဖူး ထူးကဲစွာ အင်အားပြလိုက်သော ဆန္ဒပြမှု သို့မဟုတ် နိုင်ငံရေးလှုပ်ရှားမှုကြီးတစ်ရပ် ဖြစ်ခဲ့သည်။ ယင်းအစည်းအဝေးကြီးက ရှမ်းပြည်နယ်အနေဖြင့် မြန်မာပြည်မနှင့်အတူ တစ်ပြိုင်တည်း လုံးဝလွတ်လပ်ရေး တောင်းဆိုကြောင်းနှင့် ပြည်မနှင့်အတူ တောင်တန်းဒေသ ပြည်နယ်များ စုပေါင်းဖွဲ့စည်းအပ်သော ‘ပြည်ထောင်စု’ အသွင်ဖြင့် လုံးဝလွတ်လပ်ရေးရလိုကြောင်း ဗိုလ်ချုပ်အောင်ဆန်း၏ တောင်းဆိုချက်ကို အကြွင်းမဲ့ထောင်ခံပါကြောင်း တခဲနက် ဆုံးဖြတ်ချက်ချလိုက်ပါသည်။ အစည်းအဝေးကို ကြွေးကြော်သံများဖြင့် ရုတ်သိမ်း၍ စနစ်တကျ တန်းစီလှည့်လည်ကာ ဗြိတိသျှအစိုရ တောင်တန်ဒေသ အုပ်ချုပ်ရေးရုံးရှေ့သို့သွားပြီး ကိုလိုနီနယ်ချဲ့ဆန့်ကျင်ရေး ကြွေးကြော်သံများ ဟစ်အော်ကြွေးကြော် ဆန္ဒပြခဲ့ကြသေးသည်။ ဤကား ရှမ်းပြည်နယ် သမိုင်းတွင် ပထမဆုံးအကြိမ် ပြည်သူလူထု၏ နိုင်ငံရေး ဆန္ဒပြမှုကြီးပင် ဖြစ်တော့သည်။

ထိုနေ့မှာပင် ဦးတင်အေး၊ ဦးဖေခင်တို့ အဖွဲ့က ရန်ကုန် ဖဆပလ ဋ္ဌာနချုပ်နှင့် လန်ဒန်မြို့ရောက် ဗိုလ်ချုပ်အောင်ဆန်းတို့ထံသို့ လူထုစည်းဝေးပွဲကြီး၏ ဆုံးဖြတ်ချက်ကို အမြန်ကြေးနန်းရိုက် အကြောင်းကြားလိုက်ကြသည်။

ဗိုလ်ချုပ်ကလည်း ဗြိတိသျှဝန်ကြီးချုပ် မစ္စတာအက်တလီအား တောင်ကြီးမြို့ လူထုအစည်းအဝေးကြီးမှ ဆုံးဖြတ်ချက်ကို ထုတ်ပြလိုက်သောအခါ ‘အောင်ဆန်းသည် ရှမ်းပြည်နယ်ကို ကိုယ်စားမပြု’ ဟူသော စော်ဘွားနှစ်ဦး၏ ကြေးနန်းသည် အလိုအလျောက် ပျက်ပြယ်သွားလေတော့သည်။

သို့နှင့်ပင် ဗိုလ်ချုပ်တို့ မြန်မာကိုယ်စားလှယ်အဖွဲ့နှင့် ဗြိတိသျှ အစိုရတို့ ညှိနှိုင်း ဆွေးနွေးပွဲ ဆက်လက်ကျင်းပနိုင်ခဲ့ရာ နောက်ဆုံး၌  ဗြိတိသျှတို့သည် မတတ်သာတော့ဘဲ မြန်မာနိုင်ငံအား ‘ပြည်ထောင်စု’ ပုံစံဖြင့် လုံးဝလွတ်လပ်ရေးပေးရန် သဘောတူကြောင်း အတည်ပြုသည့် ‘အောင်ဆန်း-အက်တလီစာချုပ်’ ကို ၂၇-၁-၄၇ နေ့တွင် လက်မှတ်ရေးထိုး ချုပ်ဆိုလိုက်ရတော့သည်။

သို့ရာတွင် မစ္စတာ အက်တလီဦးဆောင်သော ဗြိတိသျှအစိုးရသည် ၀န်ကြီးချုပ်ဟောင်း ‘ချာချီ’ ဦးဆောင်သည့် ‘ကွန်ဆာဗေးတစ်’ ပါတီ၏ ဖိအားပေးမှုကြောင့် ‘အောင်ဆန်း-အက်တလီစာချုပ်’ တွင် မသိမသာ လှည့်ကွက်သဖွယ် ‘၀ှက်ဖဲ’ တစ်ခု ထည့်သွင်းရေးသားထားလေသည်။ ယင်း ‘၀ှက်ဖဲ’ ကတော့ ဤသို့ဖြစ်သည်။

‘အောင်ဆန်း-အက်တလီစာချုပ်’ ၏ အပိုဒ် ၃(ဂ) တွင် –

          ‘တောင်တန်းဒေသ ပြည်နယ်များအတွက်မူ သက်ဆိုင်ရာ လူမျိုးစု ခေါင်းဆောင်များကိုယ်တိုင်က မြန်မာပြည်မနှင့်အတူ လွတ်လပ်ရေး ရယူကာ ‘ယူနီယံ’ ခေါ် ပြည်ထောင်စုပုံစံဖြင့် နေလိုကြောင်း အခိုင်အမာ စာချုပ်တစ်ခု လက်မှတ်ရေးထိုးပေးကြရမည်’ ဟု ထည့်သွင်းထားခြင်းပင်ဖြစ်သည်။

          ဤကား တောင်တန်းဒေသမှ တိုင်းရင်းသားလူမျိုးစုများ နေထိုင်ရာ ပြည်နယ်များနှင့် ပတ်သက်၍ ဗိုလ်ချုပ်အောင်ဆန်းအား ‘စိန်ခေါ်’ လိုက်ခြင်းပင် ဖြစ်သည်။ ဗိုလ်ချုပ်ကလည်း ယင်းစိန်ခေါ်ချက်ကို ရဲဝံစွာပင် လက်ခံကာ ၁၉၄၇-ခုနှစ်၊ ဖေဖေါ်ဝါရီလ ၂ ရက်နေ့ အရောက် ရန်ကုန်သို့ ပြန်လာခဲ့ပါသည်။

*        *        *

          ထိုအချိန်၌ တိုင်းရင်းသား လူမျိုးစုခေါင်းဆောင်များ၏ စုံညီအစည်းအဝေးကို ရှမ်းပြည်နယ် ပင်လုံမြို့၌ ဖေဖေါ်ဝါရီလ ၁၂ ရက်နေ့တွင် ကျင်းပရန် စီစဉ်ထားပြီးဖြစ်ရာ ဗြိတိသျှတို့က ဗိုလ်ချုပ်အောင်ဆန်းအား အဆိုပါ ‘ပင်လုံအစည်းအဝေး၌ လူမျိုးစု ခေါင်းဆောင်များ၏ သဘောတူ လက်ခံကြောင်းစာချုပ် လက်မှတ်ရေးထိုးအောင် တတ်နိုင်လျှင် လုပ်ပြပါလော့’ ဟုစိန်ခေါ်လိုက်ခြင်းပင်ဖြစ်သည်။

          ဗိုလ်ချုပ်တို့ ဗြိတိန်နိုင်ငံရောက်နေချိန်တွင် မြန်မာပြည်ရှိ ဗြိတိသျှအစိုရ တောင်တန်းဒေသ အုပ်ချုပ်ရေးဋ္ဌာနမှ ‘စတီဗင်ဆင်’ဆိုသူ ဦးဆောင်သော နယ်ချဲ့လက်ပါးစေများသည် တိုင်းရင်းသား လူမျိုးစုခေါင်းဆောင်များအား နည်းမျိုးစုံဖြင့် သွေးခွဲနေခဲ့ကြသည်။

          ‘အောင်ဆန်းတို့ မယုံကြနဲ့၊ သူနဲ့ပေါင်းရင် ခင်ဗျားတို့ ဒုက္ခရောက်မှာပဲ၊ ဗြိတိသျှအုပ်စိုးမှု အောက်မှာပဲနေမှ ခင်ဗျားတို့သက်သာမယ်’ စသည်ဖြင့် ခြေထိုးသွေးခွဲသလို တစ်ဖက်ကလည်း နိုင်ငံခြားမှ အကောင်းဆုံး အရက်ယမကာများ၊ စားကောင်းသောက်ဖွယ်များဖြင့် ဖြားယောင်းစည်းရုံးမှုကြောင့် လူမျိုးစုခေါင်းဆောင်အချို့သည် ဖေဖေါ်ဝါရီ ၁၂ ရက်နေ့တွင် ပင်လုံစာချုပ် လက်မှတ်ထိုးသင့်၊ မထိုးသင့် စဉ်းစားရာ၌ တွေဝေလျက် ရှိကြသည်။

          ထို့ကြောင့်လည်း ဗိုလ်ချုပ်သည် လန်ဒန်မြို့၌ တစ်လလုံးလုံး အလွန်ပင်ပန်းစွာ အလုပ် လုပ်ခဲ့ရပြီးနောက် ရန်ကုန်ပြန်ရောက်သောအခါ အနားယူ အပန်းဖြေရန်ပင် စိတ်မကူးတော့ဘဲ ပင်လုံသို့ ဖေဖေါ်ဝါရီလ ၈ ရက်နေ့အရောက် ခရီးထွက်ခဲ့ပါသည်။

          ဗိုလ်ချုပ် ပင်လုံသို့ရောက်သွားချိန်၌ အခြေအနေမှာ ဖေဖေါ်ဝါရီလ ၁၂ ရက်နေ့ ကျင်းပမည့် ပင်လုံညီလာခံကြီးတွင် တိုင်းရင်းသားလူမျိုးစု ခေါင်းဆောင်များ စည်းလုံးညီညွတ်စွာဖြင့် လက်မှတ်ရေးထိုးကြပါ့မလား ဟုစိုးရိမ်ဖွယ် ဖြစ်နေသည်မှာ အမှန်ပင် ဖြစ်ပါသည်။

          ယင်းအခြေအနေကို ကောင်းစွာသိပြီး ဗိုလ်ချုပ်အောင်ဆန်း၏ ခေါင်းဆောင်မှုကို အကြွင်းမဲ့ယုံကြည်ထောက်ခံသူ ကချင်ခေါင်းဆောင် ဆမားဒူဝါဆင်ဝါးနောင်၊ မိုင်းပွန်စော်ဘွားကြီး (အာဇာနည်ခေါင်းဆောင်) နှင့်တကွ ရှမ်းပြည်လွတ်လပ်ရေးအဖွဲ့မှ ဦးတင်အေး၊ ဦးထွန်းမြင့် (တောင်ကြီး)၊ အိုင်စီအက်စ် ဦးတင်ထွဋ်၊ ဦးဖေခင် စသောပုဂ္ဂိုလ်များက ပင်လုံရောက် ကိုယ်စာလှယ်များအား အလျင်အမြန် စည်းရုံးလှုပ်ရှားမှုဖြင့် နှစ်နာရီ အတွင်း ကိုယ်စားလှယ်ပေါင်းစုံပါဝင်သော အစည်းအဝေးတစ်ခု ဖြစ်မြောက်သွားပါတော့သည်။

          ယင်းအစည်းအဝေးသို့ ဗိုလ်ချုပ်ကိုယ်တိုင်တက်ရောက်ပြီး ‘ယူနီယံ’ ခေါ် ပြည်ထောင်စု အသွင်ဖြင့် ပြည်နယ်များနှင့် ပြည်မတို့ ပူးပေါင်းဖွဲ့လျက် လွတ်လပ်ရေး ရယူခြင်းသည်သာလျှင် အကောင်းဆုံးဖြစ်ကြောင်း အချက်အလက် စုံလင်စွာဖြင့် ရှင်းလင်းပြောပြရာ အားလုံးက နားလည်သဘောပေါက်သွားပြီး လက်ခံသဘောတူညီသွားကြလေသည်။

          ထိုနေ့ကား ၁၉၄၇-ခုနှစ်၊ ဖေဖေါ်ဝါရီလ ၁၁ ရက်နေ့ပင်ဖြစ်သည်။

          တစ်နည်းအားဖြင့် ပြည်ထောင်စုနေ့ (ဖေဖေါ်ဝါရီလ ၁၂) ဖြစ်ပေါ်လာစေသည့် ပင်လုံညီညွတ်ရေး စာချုပ်ကြီး ဖြစ်မြောက်အောင်မြင်ရန် ဖေဖေါ်ဝါရီလ ၁၁ ရက်နေ့ ညနေကျမှပင် သေချာသွားခဲ့ပါသည်။

          ထိုအချိန်၌ ‘စတီဗင်ဆင်’ ဦးဆောင်သော ဗြိတိသျှနယ်ချဲ့လက်ပါးစေအုပ်စုကတော့ နောက်ဆုံးအခြေအနေကို မသိကြသေး။ သူတို့သွေးခွဲ ခြေထိုးထားသည့်အတိုင်း ပင်လုံစာချုပ် မည်သို့မှ ဖြစ်မြောက်နိုင်မည် မဟုတ်ဟု တထစ်ချ ထင်နေကြဆဲပင် ဖြစ်သည်။

          တိုင်းရင်းသားလူမျိုးစု ခေါင်းဆောင်များနှင့်တကွ ကချင်ဒူဝါများ၊ ရှမ်ပြည်နယ်မှ နယ်ရှင်စော်ဘွားများသည် ဗိုလ်ချုပ်၏ နှလုံးသားအတွင်း အခိုင်အမာ ကိန်းအောင်းနေသည့် ‘ပြည်ထောင်စုစိတ်ဓါတ်’ အကြောင်း ကောင်းစွာသိမြင် သဘောပေါက်သွားကြပြီ ဖြစ်လေသည်။

          ထို့ကြောင်ပင် နောက်တစ်နေ့ ဖေဖေါ်ဝါရီလ ၁၂ ရက် နံနက် ၁၀ နာရီအချိန်တွင် ဗိုလ်ချုပ်အောင်ဆန်း အမှုးပြုသော ကိုယ်စာလှယ် ၂၂ဦး တို့သည် သမိုင်းဝင် ‘ပင်လုံညီညွတ်ရေး စာချုပ်ကြီး’ ကို တစ်ယောက်ပြီးတယောက် ဆက်တိုက် လက်မှတ်ရေးထိုးလိုက်ကြသည်။

          ဤကား ၁၉၄၂-ခုနှစ် ဗမာ့လွတ်လပ်ရေး တပ်မတော် (ဘီအိုင်အေ) ခေတ်မှစ၍ ဗိုလ်ချုပ်အနေဖြင့် အထူးကြိုးစာ တည်ဆောက်ခဲ့သော တိုင်းရင်းသားစည်းလုံးညီညွတ်ရေး၊ စစ်ပြီးခေတ် ဖဆပလ အဖွဲ့ချုပ် သို့မဟုတ် အမျိုးသားတပ်ဦးကြီး၏ ဥက္ကဋ္ဌအဖြစ် တိုင်းရင်းသားလူမျိုးစု များအား တရင်းတနှီး စည်းရုံးခဲ့ခြင်း၊ (၂၆-၉-၄၆) နေ့တွင် အစိုးရ အာဏာရရှိပြီး နောက်တွင်လည်း တောင်တန်းဒေသများသို့ ကိုယ်တိုင်သွားရောက်လျက် သွေးချင်းလူမျိုးစုများအား အပင်ပန်းခံ စည်းရုံးခဲ့ခြင်းတို့၏ ရလဒ်ပင်တည်း။

          တစ်နည်းအားဖြင့် ဗိုလ်ချုပ်သည် သူ၏ စည်းရုံးရေးစွမ်းရည်ဖြင့် ‘ပြည်ထောင်စုသမ္မတ မြန်မာနိုင်ငံတော်’ ဟူသော လွတ်လပ်သည့် အချုပ်အခြာအာဏာပိုင် နိုင်ငံတစ်နိုင်ငံကို ကမ္ဘာ့မြေပုံပေါ်တွင် ထင်ရှား ပေါ်လွင်စွာ ရေးဆွဲဖန်တီးနိုင်ခဲ့ခြင်းပင် ဖြစ်ပါသတည်း။

စတိုင်သစ်မဂ္ဂဇင်း (ဖေဖေါ်ဝါရီ-၁၉၉၅)

*        *        *

ကိုအောင်ကျော်ဟာ မြန်မာစာပေကို အလွန်တန်ဖိုးထားပြီး၊ မြန်မာစာ အရေးအသားလည်း အလွန်ကောင်းမွန်တယ် လို့်လူသိများခဲ့သူပါ။ စိတ်နေဓါတ်ခံ ပြင်းထန်ပြီး၊ အမျိုးသားရေးလည်း သူမတူအောင် နိုးကြားသူဖြစ်လို့ မိမိရဲ့ စာပေအစွမ်း နှင့် အမျိုးသားရေးလှုံ့ဆော်မှုတွေမှာ ရှေ့တန်းကပါဝင်ခဲ့လို့် တက္ကသိုလ် ကျောင်းသားသမ္မဂ္ဂတွင် သာမက၊ ဗမာနိုင်ငံလုံးဆိုင်ရာ ကျောင်းသား သမ္မဂ္ဂတွင်၌ပါ အလုပ်အမှုဆောင်အဖြစ် ရွေးချယ်တင်မြှောက်ချင်း ခံခဲ့ရပါတယ်။ ဂျပ်ဆင်ကောလိပ်^၁ကို ခြေချလိုက်တာနှင့် ခုံဖိနပ်စီးကာ ပင်နီတိုက်ပုံကိုဝတ်ပြီး ကတုံးဆံထောက်နှင့် ကိုအောင်ကျော်ရဲ့ “ဒို့ဗမာ” အဘိဓမ္မာကို ကြားရမှာပါ။

ကိုအောင်ကျော်၌ အခြားခေတ်ပြိုင် သခင်ကျောင်းသားများ ဖြစ်သည့် သခင်အောင်ဆန်း^၂၊ သခင်နု^၃၊ သခင်လှဖေ^၄၊ ကိုထွန်းရှိန်^၅ အစရှိသူတို့နှင့် မတူ ကွဲပြား ချက်လေးတွေလည်း ရှိပါသေးတယ်။ ထိုအခါက တက္ကသိုလ်မှ ကျောင်းသား အများစုဟာ လက်ဝဲယိမ်း ကြသော်လည်း ကိုအောင်ကျော်ကတော့ ပါတော်မူ မင်းနှစ်ပါး ကို သတိရနေပါသေးတယ်။ မြန်မာသက္ကရာဇ် ၁၃၀၀ခု၊ တန်ဆောင်မုန်းလပြည့်ကျော် (၈) ရက် ပါတော်မူနေ့ မှာ၊ ဗ.က.သ နှင့် တ.က.သ တို့မှ မည်သည့်အထိန်းအမှတ်ပွဲများ မလုပ်သော်လည်း၊ ကိုအောင်ကျော်တဦးတည်း မိမိရဲ့ အခန်းတွင်းမှနေ၍ အစာမစား၊ စကားမပြောပဲ ပါတော်မူနေ့ အထိမ်းအမှတ်ပွဲကျင်းပခဲ့ပါတယ်။ အခန်းဝ မှာလည်း “ဤနေ့ ဤရက်ကား ငါတို့ အရှင်နှစ်ပါး ပါတော်မူသော နေ့ဖြစ်သည်။ သတိရကြပါ။” ဟုလည်း ချိတ်ဆွဲ အသိပေးခဲ့ပါတယ်။ ကိုအောင်ကျော်၏ သရုပ်ပြမှုကြောင့် ၎င်းနှစ် အမျိုးသားအောင်ပွဲနေ့ကို ရန်ကုန်တက္ကသိုလ်သမ္မဂ္ဂက ချိမ့်ချမ့်သဲ ကျင်းပဖြစ်ခဲ့ခြင်းဖြစ်ပါတယ်။ ၁၃၀၀ပြည့် ကုလား-ဗမာ အဓိကရုဏ်းများအတွင်းကလည်း ကုလားများနှင့် တယောက်ချင်း ထွက်ချမည်လုပ်၍ ဗ.က.သ မှ လုပ်ဖေါ်ကိုင်ဖက်များကပင် ၀ိုင်းဆွဲထားရလောက်အောင် အမျိုးသားရေးစိတ်ဓါတ်ကြီးသော ကိုအောင်ကျော်ပါ။ မိမိကိုယ်တိုင်လည်း ဗမာမှုကို လေးစားသလို၊ အခြားသော ယောက်ျားလေး၊ မိန်းကလေးများ လက်ပွန်းတတည်း ဆက်ဆံခြင်း ကိုလည်းမကြိုက်ခဲ့။ ထို့ကြောင့် ယောက်ျားလေးများ နှင့် မိန်းကလေးများ အတူတွဲကသော ဧည့်ခံပွဲများ ကို သပိတ်မှောက်ရုံသာမက၊ ကောလိပ် ဆရာ၊ ဆရာမ များကျင်းပသော Ball Dance Parties များကိုပါ ခဲနှင့်ပေါက်ခဲ့တယ်လို့ ပြောစမှတ် ရှိပါတယ်။ လွတ်လပ်ရေးရယူရေး၌လည်း ၎င်းက ရန်သူတို့နှင့် တယောက်ချင်း အသက်အသေခံ တိုက်ပွဲဝင်ရမည်လို့လည်း အယူဆွဲခဲ့ပါတယ်။ နောင်မှ ကိုဘဟိန်း^၆၊ ကိုလှရွှေ^၇တို့က နားချ၍ လက်လျှော့သွားခဲ့ ရပါတယ်။ ဤကဲ့သို့ ရဲရဲတောက် ကောလိပ်ကျောင်းသား ကိုအောင်ကျော်ရဲ့ မော်ကွန်းဝင် နိဂုံးကိုတော့ ၁၃၀၀ပြည့် ရေနံမြေသပိတ်ကြီးက ဖန်တီးပေးလိုက်ပါတော့တယ်။

၁၉၃၈ခုနှစ်၊ နိုဝင်ဘာလ (၃၀) ရက်နေ့တွင် ချောက်ရေနံမြေမှ သပိတ်တပ်ကြီး ရန်ကုန်မြို့သို့ သခင်ဘိုးလှကြီး၏ဦးဆောင်မှုဖြင့် စတင် ချီတက်လာခဲ့ပါတယ်။ ဒီလိုချီတက်လာတာကို ဒေါက်တာဘမော်^၈ရဲ့ ဘုရင်ခံအလုပ်အမှုဆောင်အဖွဲ့က ရှုံချလိုက်ပြီး ဗြိတိသျှ အာဏာပိုင် တွေက ဖြိုခွင်းမယ်ဆိုတဲ့ သတင်းရလို့ ဗ.က.သ က သပိတ်တပ်ကြီး နှင့် ပူးပေါင်းပါဝင်ရန် ကျောင်းသားခေါင်းဆောင်များဖြစ်သည့် ကိုဘဟိန်း နှင့် ကိုဗဆွေတို့ကို မကွေးမြို့သို့စေလွှတ် ခဲ့ပါတယ်။ ၁၉၃၈ခု၊ ဒီဇင်ဘာလ (၁၁) ရက်နေ့မှာ ကိုဘဟိန်း နှင့် ကိုဗဆွေတို့ မကွေးမှာ အဖမ်းခံရတယ် ဆိုသည့်သတင်း ဗ.က.သ ဌာနချုပ်ကိုရောက်လာခဲ့ပါတော့တယ်။ ဤသို့နှင့်၊ သမ္မဂ္ဂမှ အာဏာဖီဆန်ပွဲလုပ်ရန် ဆုံးဖြတ်လိုက်ပြီး ဒီဇင်ဘာ (၁၅) ရက်နေ့ မှာ အောင်မြင်စွာ ကျင်းပနိုင်ခဲ့ပါတယ်။ ဒါပေမယ့် ဘမော်အစိုးရက တောင်သူလယ်သမား၊ အလုပ်သမား၊ ကျောင်းသားများရဲ့တောင်းဆိုချက်များကို မလိုက်လျှောသည့်အတွက်၊ ကျောင်းသားများက အာဏာဖီဆန်ပွဲထက် ပြင်းထန်သည့် အစီအစည်ကို အကောင်အထည်ဖော်ရန် ဆုံးဖြတ်လိုက်ကြပါတော့တယ်။

၁၉၃၈ခု၊ ဒီဇင်ဘာလ (၁၆) ရက် ည ၁၁ နာရီခန့်တွင် ဗ.က.သ စာကြည့်တိုက်၌ ဗဟိုအလုပ်အမှုဆောင် အဖွဲ့ဝင်အချို့နှင့် “ဗိုလ်” စာရင်းဝင် ကျောင်းသားတစု ဗြိတိသျှအစိုးရ၏ အုပ်ချုပ်ရေးပင်မ ဖြစ်သော အတွင်းဝန်ရုံးကို (၂၀) ရက်နေ့၌ ၀ိုင်းရံဆန္ဒပြရန် တိုင်ပင်ခဲ့ကြပါတယ်။ ကိုအောင်ကျော်နှင့် သံမဏိတပ်^၉မှုး ကိုထွန်းရှိန်တို့ မှာ စိတ်လှုပ်ရှားလွန်း၍ စကားပင်းမပြောနိုင်ခဲ့ကြ။

၁၉၃၈ခု၊ ဒီဇင်ဘာလ (၂၀) ရက် မနက် ၈ နာရီတွင် သမ္မဂ္ဂအဆောက်အဦးထဲမှ ကိုလှရွှေ၏ “ဒီနေ့ဗမာ့ရာဇ၀င်မှာတွင်မည့်ခြေလှမ်းကိုစမယ်။ ချုပ်ချယ်တဲ့ ဥပဒေကိုဆန့်ကျင်မယ်။ ကျုပ်တို့ကို အစိုးရက ပစ်ရင်လည်းပစ်မယ်။ အဲဒါလိုက်မလား” ဟူသော အသံက ဟိန်း၍ထွက်လာပါတယ်။ ကိုလှရွှေက ဥက္ကဋ္ဌနေရာမှာ၊ ရှေ့တန်းမှာ ကိုထွန်းရှိန်၊ ကိုအောင်ကျော်၊ ကိုအေးကျော် နှင့် သံမဏိတပ်ဗိုလ်များ။ ကျောင်းသားများကလည်း “လိုက်မယ်။ လိုက်မယ်။” ဟုကြွေးကြော်ကာ စီတန်းထားသောကားများဆီ ဦးတည်နေကြပြီ။

စပတ်လမ်းမှာ ကျောင်းသားပေါင်း ၇၀၀၀ကျော်လောက် စုမိကြကာ အတွင်းဝန်ရုံး အ၀များအားလုံးကို စတင်ပိတ်ဆို့လိုက်ကျပါတော့တယ်။ ကိုအောင်ကျော် က စပတ်လမ်းနှင့် ဖရေဇာလမ်း ထောင့်မှနေကာ ကျောင်းသားများကိုစတင်နေရာချပေးပါတယ်။ ထို့နောက်၊ ကျောင်းသားအရေး၊ တောင်သူလယ်သမား၊ အလုပ်သမားအရေးတို့ကို စတင် ကြွေးကြော် ပါတော့တယ်။ ရဟန်းရှင်လူတို့ကလည်း ၀ိုင်းအားပေးကြပါတယ်။ နေ့လည် ၁၂ နာရီလောက်မှာ ကိုလှရွှေ က “အောင်ပြီ” ကြွေးကြော်ကာ ဆန္ဒပြပွဲရုပ်သိမ်းပြီး ဖရေဇာလမ်း^၁၀၊ ဂျုဒါအီဇကယ်လမ်း^၁၁၊ ဒါလဟိုဇီလမ်း^၁၂တို့မှ ကျောင်းသားများကိုစုဝေးကာ စပတ်လမ်း^၁၃အတိုင်း ချီတက်လာခဲ့ပါတော့တယ်။ ထိုအချိန်မှာ ဂေါ်ရာမြင်းစီး စစ်ပုလိပ်များ^၁၄ ချီတက်လာကာ ကျောင်းသားထုကို ၀င်ရောက်ရိုက်နှက်ပါတော့တယ်။ ကိုလှရွှေ နှင့် ကိုအောင်ကျော်တို့ နှစ်ယောက်မှာ အနီးကပ်ဆုံး ရှိနေခဲ့ကြပြီး အခြားကျောင်းသားများ ဖရိုဖရဲ မဖြစ်ရန် ကြိုးပန်းနေပါတယ်။ ရဲဘော်ကျောင်းသားများ ကလည်း “အရေးတော်ပုံ အောင်ပါစေ”၊ “သခင်မျိုးဟေ့ တို့ဗမာ” စသည့် တို့ကို ဆက်လက် ကြွေးကြော်လျှက် ရှေ့သို့ ဆက်လက်ချီတက်ခဲ့ကျပါတယ်။ ဒါပေမယ့် ဂေါ်ရာမြင်းစီး စစ်ပုလိပ်များက ပိုမိုပြင်းထန်စွာ ဖြိုခွဲခဲ့လို့ နောက်ဆုံး ကျောင်းသားတပ်ကြီး လဲပြိုခဲ့ပါတော့တယ်။ ဥက္ကဋ္ဌ ကိုလှရွှေလည်း အကန် ခံထားရလို့ လမ်းပေါ်မှာလဲနေပါတယ်။ ကိုလှရွှေ ရဲ့ ဘေးမှာ လဲနေတာကတော့ ကိုအောင်ကျော်ပါ။ ဦခေါင်းမှသွေးတွေ ဆက်တိုက်ယိုစီးနေရင်းမှပင်၊ ကုန်း ထကာ “ကိုလှရွှေ၊ ကိုလှရွှေ။ ကျုပ်တို့ခေါင်းဆောင်းကြီး ဘယ်လိုနေသေးလဲ။ အရေးတော်ပုံ အောင်ရမည်။” ဟု သွေးရူးသွေးတန်းနှင့်၊ အသံကွဲကြီးနင့် အော်ရင်း ပြန်လဲကျသွားပါတယ်။ ဘေးမှကျောင်းသားများ သူ့ကို ရန်ကုန်ဆေးရုံကြီးသို့ အားချင်း ပို့သော်လည်း နေရမရ၍ ဆင်နီတိုးရီးယမ်း^၁၅ သို့ပြောင်းရွှေ့ခဲ့ရပါတယ်။

ထိုနေ့ညက၊ ရန်ကုန်မြို့ကြီးတခုလုံး တိတ်ဆိတ်နေခဲ့ပါတယ်။ ရဟန်းရှင်လူတို့လည်း မလှုံ့ဆော်ရပဲ အသံတိတ် သပိတ်မှောက်ကြပါတယ်။ ကိုအောင်ကျော်မှာတော့ တက္ကသိုလ် ဆင်နီတိုးရီးယမ်းက ခုတင်ပေါ်မှာ သတိလစ်လျှက်။ ကိုလှရွှေလည်း ပုန်းရှောင်နေရသည့်ကြားမှ သူ့ရဲဘော် ကိုအောင်ကျော်အတွက် ရင်တဖိုဖိုနှင့်။

၁၉၃၈ခု၊ ဒီဇင်ဘာလ (၂၂) ရက်နေ့ ညနေတွင်မှာတော့ ကိုလှရွှေဆီသို့ သတင်းတပုဒ် ရောက်လာခဲ့ပါတယ်။ “ကိုအောင်ကျော် သေပြီတဲ့”။

ဤသတင်း ဗမာပြည်ရှိကျောင်းများအားလုံးသို့ ချက်ချင်းပြန့်သွားပြီး ရွာငယ်များမှ ကျောင်းများပါ မကျန် အားလုံးတညီတညာတည်း သပိတ်မှောက်ကြပါတယ်။ ကိုလှရွှေကိုယ်တိုင်လည်း ၀ရမ်း ထုတ်ခံထားရသည်ကိုပင် ဂရုမစိုက်၊ ကိုအောင်ကျော်ဈာပနပွဲ၌ ရှေ့ဆုံးမှ ဦးဆောင်ချီတက်ခဲ့ပါတယ်။ ဈာပနပွဲကြီးမှာ လည်း လူထောင်ပေါင်းများစွာတို့နှင့် ဆန္ဒပြပွဲကြီး ဖြစ်ခဲ့ပါတော့တယ်။ ကြံတောသုဿန် အရောက်မှာတော့ ကိုလှရွှေက “ဟယ်…ဘမော်အစိုးရ၊ နင့်တို့လုပ်ရပ်ကြောင့် ငါတို့ရဲဘော် ကိုအောင်ကျော် ကျဆုံးရတယ်။” အစချီသည့် ရဲရဲတောက် မိန့်ခွန်းကို ဟောပြောပါတော့တယ်။ ကိုထွန်းရှိန် တယောက်လည်း ခေါင်းမှာပတ်တီးစည်းဖြင့် ကိုအောင်ကျော်၏ အလောင်းဘေးမှ နေကာ အံကျိတ်ရင်း မျက်ရည်တွေ တတွေတွေနှင့်။

ကိုအောင်ကျော်အတွက်ဝမ်းနည်းချင်းအထိန်းအမှတ်ဖြင့် ဗမာတပြည်လုံး အစည်းအဝေးများ ကျင်းပကြပါတယ်။ လူအများ၏ ထောင်ခံမှုဖြင့် ကိုအောင်ကျော်ဈာပန ကော်မတီ မှ ကိုအောင်ကျော်အား “နေမျိုး သီဟသူရ ဗိုလ်အောင်ကျော်” ဟူသော်ဘွဲ့ဖြင့် ဂုဏ်ပြုခဲ့ကြပြန်ပါတယ်။ ဗိုလ်အောင်ကျော် သည်ကား ဗမာ့လွတ်လပ်ရေးအတွက် ပထမဦးဆုံး အသက်စတေးခဲ့သော ဗ.က.သ ၏ အာဇာနည်ပင်။ ဤသို့ ရဲရင့်စွာ အသက်ပေးခဲ့သော၊ ဗမာ့လွတ်လပ်ရေး၏ မော်ကွန်းတဆူ၊ ရဲဘော် ဗိုလ်အောင်ကျော် ကို ဤဆောင်းပါးဖြင့် ဒီဇင်ဘာလ (၂၀) ရက်နေ့၌ ကျရောက်ခဲ့သော “ဗိုလ်အောင်ကျော်နေ့” အထိမ်းအမှတ်အဖြစ် ဂုဏ်ပြုအပ်ပါတယ်။

ကိုအောင်ကျော်…ကောင်းရာသုဂတိ လားပါစေ။

ဘဇံလင်း (Dec 22, 2007.)

မှတ်စု။

၁) ဂျပ်ဆင်ကောလိပ် - ယုဒသန်ကောလိပ်။

၂) သခင်အောင်ဆန်း – ရဲဘော်သုံးကျိပ်ခေါင်းဆောင်။ ပြည်ထောင်စု ပိသုကာ နှင့် တပ်မတော်၏ ဖခင်။

၃) သခင်နု – လွတ်လပ်သော ပြည်ထောင်စု ဗမာနိုင်ငံတော်၏ ပထမဦးဆုံး ၀န်ကြီးချုပ်။

၎) သခင်လှဖေ - ရဲဘော်သုံးကျိပ်ဝင်၊ ဗိုလ်လက်ျာ။ ဗမာ့တပ်မတော်၏ ပထမဦးဆုံး စစ်ဦးစီးချုပ်။

၅) ကိုထွန်းရှိန် – ရဲဘော်သုံးကျိပ်ဝင်၊ ဗိုလ်ရန်နိုင်။ ဗ.က.သ သံမဏိလက်ရုံးတပ်မှူး။

၆) ကိုဘဟိန်း – ၁၃၀၀ပြည့် အရေးတော်ပုံအတွင်း၊ ဗ.က.သ ဥက္ကဋ္ဌ။ “မြင်းခွာတချက်ပေါက်လျှင်၊ မီးဟုန်ဟုန်းတောက်စေရမည်” ဟုဟောပြောခဲ့သော ကျောင်းသားခေါင်းဆောင်။

၇) ကိုလှရွှေ – ၁၃၀၀ပြည့် အရေးတော်ပုံအတွင်း၊ ဗ.က.သ ဒုဥက္ကဋ္ဌ (နောင်ယာယီ ဥက္ကဋ္ဌ)။ အာဏာရှင် ကိုလှရွှေဟု လူသိများလာသူ။

၈) ဒေါက်တာဘမော် – ဘုရင်ခံအမှုဆောင်ကောင်စီ နန်းရင်းဝန်။ ဂျပန်ခေတ် ဗမာနိုင်ငံ၏ အဓိပတိ။

၉) သံမဏိတပ် – ဗမာနိုင်ငံလုံးဆိုင်ရာ ကျောင်းသားသမ္မဂ္ဂ သံမဏိလက်ရုံးတပ်။ (ညီစေနော်၊ စစ်ရဲမော်…ချီတက်ကြဆို့တူပျော်ပျော်…)

၁၀) ဖရေဇာလမ်း – အနော်ရထာလမ်း။

၁၁) ဂျုဒါအီဇကယ်လမ်း – သိမ်ဖြူလမ်း။

၁၂) ဒါလဟိုဇီလမ်း – မဟာဗန္ဒုလလမ်း။

၁၃) စပတ်လမ်း – ဗိုလ်အောင်ကျော်လမ်း (ကိုအောင်ကျော်အား ဂုဏ်ပြုချင်းအားဖြင့်)။

၁၄) ဂေါ်ရာ မြင်းစီး စစ်ပုလိပ် – အိန္ဒိယ တော်ဝင် ပုလိပ်တပ်တော် (Indian Imperial Police)။

၁၅) ဆင်နီတိုးရီးယမ်း – ရန်ကုန်တက္ကသိုလ် ဆေးရုံ။

ကျမ်းကိုး။

မြဟန်။ ။ ဗိုလ်အောင်ကျော် (၁၉၁၅-၁၉၃၈)၊ ကိုလိုနီခေတ် မြန်မာ့သမိုင်းအဘိဓာန်။ တက္ကသိုလ်များ သမိုင်းသုတေသနဋ္ဌာန။ ၂၀၀၀။

သိန်းဖေမြင့်။ ။ အရှေ့ကနေ၀န်းထွက်သည့်ပမာ (ပ+ဒု)။

သိန်းအောင်။ ။ ကျွန်တော်သိခဲ့တဲ့အောင်ကျော်၊ အိုးဝေမဂ္ဂဇင်း အတွဲ (၈)၊ အမှတ် (၁)။ ၁၉၄၀။

ဦးနု။ ။ တာတေစနေသား။

ဒီ “နဂါးနီသတင်းဘွဲ့ ထောမနာ သြဘာလေးချိုးကြီး” ကို နဂါးနီစာဖတ်အသင်း (Nagani Book Club) တည်ထောင်ခြင်း အထိမ်းအမှတ် အနေနှင့် စပ်ဆို သြဘာပေးခဲ့တာပါ။

နဂါးနီစာဖတ်အသင်း ကို ၁၉၃၉ခုနှစ်မှာ သခင်နု ဦးဆောင်ပြီး တည်ထောင်ဖြစ်ခဲ့ပါတယ်။ အဲဒီ အသင်းကြီးက ခေတ်ကာလနှင့် ရင်ဘောင်တန်းနေသည့် ခေတ်စာပေ၊ နိုင်ငံရေး၊ စီးပွားရေး၊ လူမှုရေး၊ ဘာသာရေး နှင့် သိပ္ပံပညာ၊ အစရှိသည့် ပညာပေး စာပေတို့ကို ဗမာစကားနှင့် ပုံနှိပ် ထုတ်ဝေပြီး မြန်မာပြည်သူတို့ကို မျက်စိဖွင့်ပေးခဲ့တယ်လို့ သမိုင်းကြောင်းက သက်သေပြနေပါတယ်။

ကိုလိုနီခေတ်ရဲ့ အမျိုးသားရေးစိတ်ဓါတ်ကို ဤလေးချိုးကြီးမှ လေ့လာကြည့်ကြပါစို့။

ဘဇံလင်း

~~~~~~~~~~~~~~~~~~~~~~~~

နဂါးနီသတင်းဘွဲ့ ထောမနာ

သြဘာလေးချိုးကြီး

အများအပြည်ပြည်၊ ပွက်ခါစတွင်ဖြင့်။

“နဂါးအနီ” ထွက်လာပြတာက။

ဓမ္မစကြာ သမတတွေနှင့်။

တက်စရာ မြန်မာ့ချိန်နှင့် ကျော်။

(အိုကွယ်) အထက်အခါ သမယဆီက။

သက်သက်သာသာနဲ့၊ မက်ခါပြပေတဲ့ – ဆရာ့အိမ္မက်တော်။       ။

(သြော်) အထူးအဘိပါကပေပ။

“ဦးဝိစာရ” ရယ်လို့။

မနုးနပ်သည့် ဒါယကါ – ဒါယကမတွေ – သေသေချာချာသိစေဘို့။

ဒေသစာလှည့်ကါ – ဘယ်သို့ ဘယ်ညာဟောတယ်လို့။

(LAW) လောသုံးဆယ် ဥပဒေမျိုးတွေနှင့်။

ပြောအုံးမယ် ထုချေလို့မှမကိုးသာဘု။

ဘုရာ့သာသနာကို – ကုလာ့အာဏါမိုးချိန်မို့။

အမျိုးဘာသာ – ကိုးရာတပါးကိုဖြင့်။…

(သြော်) အမှောင်မပြင်း၊ အချောင်ညှင်းရော့မဟဲ့လို့။…

နှောင်သွင်းအမြန် – ထောင် အကျဉ်းဒဏ်ထားရာက။

ဘုရားပေးသည့်သင်္ကန်းဆို ယင်းဒံဝတ်တော်ကို။

မဆင်မြန်းနဲ့ – အတင်းချွတ်နော်လို့ ခိုင်းတဲ့အပြင်။

ဂိုဏ်းဂဏအ၀င်အပါ – အသျှင်သင်္ဃာတို့ရဲ့။

အစဉ်အလာ – ဥပုသ်ပ၀ါရဏမှ မပြုရတာကြောင့်။

သုဂတ သာသနာဆီမှာ – ခုဘ၀ကြာရှည်တယ်လိုမကောင်းပြီလို့။

အလောင်းတော် ခန္တီဝါတို့နှင့် တညီ – အဓိဋ္ဌာန်သုံးသလိုပ။

လုံးလုံးပင်အစာရှောင်လို့မို့။

အာကါဘောင် ၀တိန်ကြငှန်းတွင်ဖြင့်။

တိမ်ပန်း – အလျှံအမှန်တံခွန်နှင့်။

စံမလွန်ပြောစရ တကြောင်းပေပ။

နန္ဒ၀န်တောရကျောင်းဆီသို့။

ပြောင်းရွှေ့ စံပျော်တော်မူတယ်နော်ကွယ်။

၎င်းရသေ့။

ဟောင်းတယ်လို့လဲ မမေ့နိုင်ဘု၊ အောက်မေ့ပြန်သော်။       ။

ဆရာတော် – နတ်နန်းအမြင့် ၀တိန်အထက်တွင်ဖြင့်။

ဒကါမနော် ခတ်နွမ်းနွမ်းနှင့် တကြိမ်စက်လိုက်တော့။

အိမ္မက်က တကြောင်းပေါ်။

အလောင်းတော်မှာဖြင့် ဒေါင်းလံတံခွန်မကင်း။

(အိုကွယ်) ဟောင်းတဖန် ပေါ်ပြန်လို့။

သောင်း မြန်မော်စေဘို့ ကေါင်းဟန်အလွန်အမင်း။       ။

နို့ပြီးတခါ သို့နည်းတဖြာပ။

ဗမာဆန်ဆန် အဟုတ်အဟတ်ရှင်းပေတဲ့။

သာလယံ အုတ်ဇရပ်အဖြစ်၊ ရုပ်ဆင်း မသတီယောင်နှင့်။

ခွေအားရှာ – အသံစွာမြည်။

ထွေပြားစွာ မာန်ဖီလို့မို့။

ခေါင်းရယ် မထောင်ရာကဘဲ – ညောင်းရော့သလား။…

ရုတ်ချည်း ရုပ်သွင်ပြောင်းသလိုပ။

ကောင်းခြင်းငါးဖြာ ကလျာကြန်နှင့်၊ ပမာဟန် အမူချောပုံပြရမှာဖြင့်။

အညာပုဂံသူ – စောလုံဒကမတို့လို။

လှလှပပ – မကြီးမငယ်၊ အရွယ်အလတ် ကယ်လို့။

တပ်အပ်မြင် အိမ္မက်ကိုလ။

မနက်ထတွင် တကယ်မှဟောပမလားလို့။

“အလယ်တောရ” ကပြာကရာရောက်တဲ့ပြင်။

ပါမောက္ခ တက္ကသိုလ်ဆရာစုံသနဲ့။

ဇကာရမှာ အဖြေပေး၊ ရတနာပုံ အညာအပြေပြေကမေးရတဲ့။

“ရွှေရေးဆောင်” သာသနာတံခွန် က ဖြင့်။

လွှာသ၀ဏ် – ဗျာညွှတ်ဘို့လျှောက်ပြန်တော့။

နောက်နောင် မကြာမီပ။

ဗမာပြည် – သာမည်ခေတ် ပေမို့။…

သိသိသာသာ – အမိမြန်မာဖြစ်တော့မယ်လို့။

သနစ်ဟိတ် ဂုဏ်အလိုကို ဒိဋ္ဌံအကုန် သဘောတွေနှင့်။

ဟောခဲ့တာ အခါညီရော့မထင်။

ကမ္ဘာပထ၀ီ အကုန်ကြို့ရပေမည့်။

ရာဇဋ္ဌာနီ ဒဂုန်မြို့ဆီက ကြုံဖို့ ကြံရည်ဖန်ရည်နှင့်။

“နဂနီ” အိုဘဲ့ အသင်းဆီက။

“နဂနီ” ဆိုတဲ့ သတင်းကိုဖြင့်။

ထိုထိုတပဲ့ အရင်းတွေဖြန့်ဝေချီတော့။

မြန့်ပြည်ကြီးအတွက်တာ မနေသာသဖြင့်။

စေတနာ တောင်အထုတွင်မှ။

အဝေရာ ရှောင်သမှုပေပ။

(အမယ်မင်း) ထောင်အမှုနဲ့ – မကြာကြာဆင်းရရှာမည့်။

“မောင်နု” နဲ့ – အရာမကင်းနိုင်သမို့။…

(သြော်) အောင်ဇေယျတု – အောင်ဇေယျတု ဆိုတဲ့။… …

အောင်ဆုဘွဲ့ ပထ္ထနာသီချင်း။      ။

သခင်ကိုယ်တော်မှိုင်း။

စကိုင်းတောရ။

ဆရာကြီးမှိုင်းရဲ့ ဘ၀ရေးရာနှင့် ပတ်သက်၍ တင်ပြမှုများ လွဲမှားနေပါက ပြင်ဆင်၊ သုံးသပ်၊ ဝေဖန်ပေးကြပါ။

ဘဇံလင်း

~~~~~~~~~~~~~~~~~~~~~~~~

သခင်ကိုယ်တော်မှိုင်း (သို့) ငြိမ်းချမ်းရေးကလောင်

“ကောင်းမျိုးထွေထွေ ရယ်နှင့်၊ ချွန်စေ မြစေ စောဝ်…

ဒေါင်းအိုးဝေ ရယ်လို့၊ တွန်စေ ကစေ သောဝ်…”

ဆရာကြီးမှိုင်းကို အဖဦးစံဒွန်း နှင့် အမိဒေါ်အုန်း တို့မှ ၁၈၇၆၊ မတ်လ (၂၃) ရက်နေ့မှာ ဖွားမြင်ခဲ့ပါတယ်။ မြန်မာ(ကောဇာ)သက္ကရာဇ် အားဖြင့် ၁၂၃၇၊ တပေါင်းလပြည့်ကျော် (၁၄) ရက်၊ ကြာသပတေးနေ့ပါ။ ငယ်ငယ်က မောင်လွမ်းမောင် ရယ်လို့ ခေါ်ဆိုကြပြီး၊ ကျီးသဲလေးထပ် ဆရာတော်ကြီးရဲ့ တပည့်ရင်းလို့ ဆိုနိုင်ပါတယ်။ ကုန်းဘောင်ခေတ်နှောင်းရဲ့ အဘိုးမဖြတ်နိုင်တဲ့ ပညာမွေတွေကိုတော့ နာမည်ကျော် မန္တလေးမြို့မြတောင်ကျောင်းတိုက်မှာ ဆည်းပူးခဲ့တာပါ။ အရွယ်က ၇နှစ်၊ ဘွဲ့တော်က ပဏ္ဍိတ။ ဘွဲ့တော်နှင့်လိုက်အောင်လည်း နောင်တချိန် “ပဏ္ဍိတ” ဖြစ်လာခဲ့သူပါ။

ဘ၀ရဲ့အချိုးအဆစ် တခုအဖြစ် ၁၈၈၅ခု၊ နိုဝင်ဘာလ ၂၉ ရက်နေ့ မှာ သီပေါဘုရင်နှင့် အလယ်စုဖုရား ပါတော်မူတာကို စာတော်ဝန်ဦးခဲ ကျောင်းပေါ်မှ တွေ့ခဲ့ရတယ်လို့ အဆိုလေးလည်းရှိပါတယ်။ အစိုးရက စစ်တဲ့ ၇တန်းစာမေးပွဲကိုအသက် ၂၂ နှစ်မှာအောင်မြင်ခဲ့ပြီး မော်လမြိုင်မြို့ မြန်မာတိုင်း သတင်းစာမှာ ပဏ္ဍိတလေး ဆိုတဲ့ကလောင်အမည်နှင့် စာပေဘ၀ စတင်ခဲ့ပါတယ်။ ရန်ကုန်ကို ရောက်ပြီး စာပြင်ဆရာလေးအဖြစ် ဘ၀ဖြတ်သန်းတော့အသက် ၂၄နှစ် ရှိပါပြီ။ ၁၉၀၃ခုနှစ်မှာ ပွဲစားကြီး ဦးနုရဲ့သမီး မရှင်နှင့်အကြောင်းပါပြီး အိမ်ထောင်စတင် တည်ထောင်ခဲ့ပါတယ်။ နောက်တော့ ရန်ကုန်သတင်းစာမှာ ဇာတ်စာတွေရေးရာက နာမည်ရလာကာ မော်လမြိုင် မြန်မာတိုင်း သတင်းစာမှာ အယ်ဒီတာ ဖြစ်လာပါပြီး မောင်သမာဓိ ဆိုတဲ့ ကလောင်သစ်နှင့် လက်စွမ်းပြခဲ့ပါတယ်။

၁၉၀၅ခုနှစ်မှာ မောင်လွမ်းမောင် ရဲ့စာပေစာမျက်နှာသစ် ပွင့်လာခဲ့ပါတယ်။ အဲဒါကတော့ မော်လမြိုင်ရာဇ၀င် ကို ရွှေတောင်မောင်လွမ်း အနေနှင့်ထုတ်ဝေနိုင်ခဲ့လို့ပါ။ ကဗျာသာရမဉ္ဇူ နှင့် ပရမတ္တသံခိပ်အဖြေ(ဒုတွဲ) ဆိုသည့် ကျမ်းကြီးနှစ်ဆောင် ကို ပြုစုရေးသားခဲ့တာလည်း ဒီကလောင်နှင့် ပါပဲ။ ထူးဆန်းတာကတော့ မော်လမြိုင်နတ်လမ်းညွှန် ကို မစောညွှန့် ဆိုတဲ့ ကလောင်အမည်နှင့် ရေးသား ဖြစ်ခဲ့တာပါ။ အဲ့ဒီနောက် ကဗျာသာရတ္တသဂြိုလ်၊ မြန်မာရာဇ၀င်ချုပ်၊ ရွှေနတ်တောင်ဘုရားသမိုင်း စတဲ့ စာအုပ်တွေကို ရွှေတောင်ဆရာလွန်း ဆိုတဲ့အမည် နှင့် ဆက်လက်ရေးသားခဲ့ပြီး သူရိယသတင်းစာ စထွက်တော့ အယ်ဒီတာအဖြစ် တာဝန်ထမ်းဆောင်ခဲ့ ပြန်ပါတယ်။ သူရိယသတင်းစာရဲ့ နာမည်ကျော် ကြာဋ္ဋီကာ ဆောင်ပါးတွေကိုရေသားခဲ့တဲ့ မစ္စတာမောင်မှိုင်းဆိုတာလည်း ရွှေတောင်ဆရာလွန်းပါပဲ။ လက်မှုပညာဋ္ဋီကာနှင့် နိုင်ငံခြားသာသနာပြု လေးချိုးကိုရေးသားတော့လည်း မစ္စတာမောင်မှိုင်း ဆိုတဲ့အမည် ကို ဆက်လက်အသုံးပြု ခဲ့ပါတယ်။ ဗိုလ်ဋ္ဋီကာ ဆောင်းပါးတွေကို ရေးပြီး၊ ဆောင်းပါး ပေါင်းချုပ်ကြီး ထုတ်ဝေနေစဉ်မှာ ချစ်ဇနီး ဒေါ်ရှင် အနိစ္စရောက်ခဲ့ပါတယ်။

၁၉၁၆ခုနှစ်မှာ နောင်တချိန် လျှမ်းလျှမ်းတောက် ကျော်ကြားလာမည့် မှာတော်ပုံ ၀ထ္ထုကြီးကို စတင်ရေးသားခဲ့ပြီး၊ မဏိဟတ် နန်းတွင်းဇာတ်တော်ကြီးကို တည်းဖြတ်ထုတ်ဝေ ခဲ့ပါတယ်။ အီနောင် နန်းတွင်းဇာတ်တော်ကြီး၊ ကေလာသီရိ နန်းတွင်းဇာတ်တော်ကြီး နှင့် ဓမ္မစေတီမင်း ၀ထ္ထုတို့ကိုတော့ ဆရာလွန်း အနေနှင့် ပြန်လည်ရေးသားပါတယ်။ ၁၉၁၉ခုနှစ်မှာ ပဲခူးရာဇ၀င် နှင့် မှာတော်ပုံ(ဒုတွဲ) တို့ကို ရေးသားနေစဉ် ဦးဘဖေ၊ ဦးပု နှင့် ဦးထွန်းရှိန်တို့ ဘိလပ်သွား အရေးဆိုတော့ သြဒိဿပတ္တနာ လေးချိုးကြီး ဖြင့်ကောင်းချီးပေးခဲ့ပြန်ပါတယ်။ ၁၉၂၀မှာ ဒေါင်းဋ္ဋီကာ ရေးဖွဲ့ခဲ့ပြီး၊ တိုက်တိုက်ဆိုင်ဆိုင် ဦးထွန်းရှိန် ကွယ်လွန်တော့ ဒေါင်းအမေ ဆွေတမိမှာဖြင့် လေးချိုးနှင့် ဂုဏ်ပြုခဲ့ပါတယ်။ အဲ့ဒီနှစ် မှာပဲ မှာတော်ပုံ(တတွဲ) ကိုရေးသားပြီး၊ တက္ကသိုလ်များ သပိတ်ကာလမှာ အမျိုးသားကောလိပ် အတွက် မြန်မာစာနှင့် ရာဇ၀င် ပါမောက္ခ အဖြစ်တာဝန်ယူခဲ့သောကြောင့် နောင်တက္ကသိုလ်သမိုင်းတလျှောက် စံတင် ဂုဏ်ပြုခဲ့ကြခြင်း ဖြစ်ပါတယ်။

ဗြိတိသျှအင်ပါယာရဲ့နန်းမွေခံ ဝေလမင်းသား မြန်မာနိုင်ငံကို တိုင်းခန်းလှည့်လည်စဉ်က၊ အထူးဧည့်ခံ ရန် ဂုဏ်ပြုရတု စပ်ဖို့ ဦးမေအောင်မှ ပန်ကြားသောအခါ၊ “တို့နိုင်ငံကို ကျွန်ပြုတဲ့ ဘုရင်မမြေးကို ချီးမကျူး” ဟု ကြီးစွာသောမျိုးချစ်စိတ်ဖြင့် ငြင်းပယ်ခဲ့ပါတယ်။

စုံနံသာမြိုင် နှင့် မျောက်ဋ္ဋီကာကိုတော့ ၁၉၂၂ခု မှာရေးဖွဲ့ခဲ့ပြီး၊ ကျော်ကြားတဲ့ မှန်နန်းရာဇ၀င်တော်သစ် ကို လည်းတည်းဖြတ် ထုတ်ဝေခဲ့ပါတယ်။ မျောက်ဂဏ္ဌိ၊ မစ္စတာမောင်မှိုင်း ဆောင်းပါးပေါင်းချုပ် (ပတွဲ)၊ ရွှေကလေးဘွဲ့၊ မြင်းဋ္ဋီကာ၊ ဆွာရက်ဋ္ဋီကာ၊ ခွေးဋ္ဋီကာ၊ ရာဇ၀င်နီတိ၊ တဆူဋ္ဋီကာ၊ ဆယ်ကဋ္ဋေကျော်ဋ္ဋီကာ၊ အစရှိတဲ့ နာမည်ကျော်စာပေများကို ဒဂုန်မဂ္ဂဇင်း အယ်ဒီတာ ဘ၀ဖြင့် ဆက်တိုက် ရေးသားခဲ့ပြီး၊ အရမ်းကာရ၀ိသောဓနိဆောင်းပါး၊ ဘိုင်းကောက်ဋ္ဋီကာ၊ တရုပ်ဒီပနီ၊ စံဖဲ နှင့် ပုံတောင်နိုင်ဆောင်းပါး တို့ကို ဗြိတိသျှဘားမားမဂ္ဂဇင်း အုပ်ချုပ်ရေးမှုး အဖြစ်တာဝန်ထမ်းဆောင်ရင်း ရေးသားခဲ့ကာ ကိုလိုနီခေတ် အမျိုးသားစာပေကို ဦးဆောင်လာပါတော့တယ်။

၁၉၂၈ခု နှင့် ၁၉၂၉ခု များမှာ ဗြိတိသျှအစိုးရက တောပုန်းကြီးဗိုလ်စံဖဲကို ကြိုးမိန့်ချသောအခါ ဆရာကြီးမှိုင်း မှ ကမကထပြု၍ အယူခံဝင်ပေးခဲ့ပါတယ်။ တိုင်းတပါးသားများက မြန်မာများကို စီမံပိုင်ခွင့်မရှိ ဟုယူစပုံလည်း ရပါတယ်။ ၁၉၃၀ခုနှစ်မှာ သာယာဝတီ ဂဠုန်ဆရာစံ ဗိသိတ်ခံ တော့ ဂဠုန်ပျံဒီပနီဋ္ဋီကာ ဆောင်းပါးများနှင့် ဂုဏ်ပြုခဲ့ပါတယ်။ ဒေါင်းဂဏ္ဌိ၊ ညီညွတ်ရေးရာဇ၀င်၊ ရာဇ၀င်နီတိ အစရှိတဲ့ အမျိုးသားငြိမ်းချမ်းရေးနှင့် ညီညွတ်ရေး စာပေများ ဆက်တိုက်ရေးသားခဲ့ပြီး၊ ၁၉၃၄ခုနှစ် နိုဝင်ဘာ ၃၀ရက် မှာ ကျင်းပတဲ့ တက္ကသိုလ်အမျိုးသားနေ့ အခမ်းအနားရဲ့ သဘာပတိအဖြစ် တာဝန်ယူခဲ့ကာ မျိုးဆက်သစ်လူငယ်များကို ဦးဆောင်မှု ပြုခဲ့ပြန်ပါတယ်။

တကယ်တော့ ၁၉၃၄ခုနှစ်ဟာ ဆရာကြီးမှိုင်းရဲ့ တော်လှန်ရေးကဏ္ဍသစ်ကို စတင်ပေးခဲ့တဲ့နှစ်ပါ။ ရေနံချောင်းမြို့မှာကျင်းပခဲ့တဲ့ ပထမအကြိမ် သခင်များညီလာခံမှာ ကြည်ညိုလေးစားသူများ၏ တင်မြှောက်မှုကြောင့် နာယကကြီးဖြစ်လာကာ လွတ်လပ်ရေးကျိုးပမ်းမှု ရဲ့ ဦးဆောင်မှုများမှာ ပါဝင် လာခဲ့ပါတော့တယ်။ အဲဒီနောက်၊ စွယ်တော်စစ်တမ်း၊ အမျိုးနှင့်စာပေ၊ မြန်မာလူမျိုး၊ အစရှိတဲ့ စာတမ်းကြီးများရေးဖွဲ့၍ ကလောင်စွမ်းဖြင့် တိုက်ပွဲဝင်ခဲ့ပါတယ်။

၁၉၃၆ခု၊ ဇွန်လ၊ မြင်းခြံမြို့ မှာကျင်းပတဲ့ တို့ဗမာအစည်းအရုံး ရဲ့ ဒုတိယအကြိမ်ညီလာခံကို တက်ရောက်ခဲ့ပြီး ဗြိတိသျှတို့ရဲ့(၉၁)ဋ္ဌာနအုပ်ချုပ်ရေးကို ခွေးဂဏ္ဌိ နှင့်သရော်ခဲ့ပါတယ်။ ၁၉၃၇-၃၈ ကာလများမှာတော့ သုတေသနဒီပနီ၊ ခေတ်ကာလပြုပြင်ပြောင်းလဲရေး၊ ၀သုန်ဤမြေ၊ စွယ်တော်ဂဏ္ဌိ၊ သခင်ဋ္ဋီကာ တို့ကိုရေးဖွဲ့ခဲ့ပါတယ်။ ၁၉၃၈ခု၊ ဧပြီလ ၂၂ရက်နေ့မှာတော့၊ “လွတ်လပ်ရေးကို လက်ဝါးနှင့် တောင်းယူ၍မရ၊ သူပုန်ထရမည်။” လို့ ပုသိမ်မြို့တရားပွဲမှာ လျှမ်းလျှမ်းတောက်တောက် ဟောပြောခဲ့ပြန်ပါတယ်။

၁၉၃၉ခုနှစ်၊ ဇန်န၀ါရီလ ၁၄ရက် ရန်ကုန်မြို့လူထုအစည်းအဝေးကြီးမှာ အရင်းရှင်စနစ်ကိုရှုတ်ချခဲ့ပြီး၊ ဇွန်လ ပုသိမ်မြို့မှ “တို့ငတ်နေတာ ဗြိတိသျှတွေကြောင့်” လို့ ဟောပြောပြန်တဲ့အတွက် ချောင်းရိုက်တာ ခံခဲ့ရတဲ့အပြင် နှစ်လတရားဟောခွင့်လည်း ပိတ်ခံရပါတယ်။ အဲဒီနှစ် ဒီဇင်ဘာလမှာပဲ ကြည့်မြင်တိုင် လူထုအစည်းအဝေးကြီးမှာ ဆိုရှယ်လစ်ဝါဒကို ဗုဒ္ဓတရားတော်နှင့် ချိန်ထိုးပြသခဲ့လို့ နောင်အနာဂါတ် မြန်မာ့နိုင်ငံရေးလောကမှာ ကွန်မြူနစ်ကြီး ဆိုပြီး လူတချို့ရဲ့ အထင်ခံခဲ့ရပါတယ်။ ဗမာ့ထွက်ရပ်ဂိုဏ်းကြီး ကို အောက်တိုဘာလမှာ ဖွဲ့စည်းတော့လည်း ဆရာကြီးရဲ့ ဦးဆောင်မှု တွေနှင့်ပါ။

၁၉၄၀၊ ဇန်န၀ါရီလဆန်းမှာကျင်းပသည့် တောင်သူလယ်သမား အစည်အရုံး နှစ်လည်ညီလာခံမှာ ဗြိတိသျှနယ်ချဲ့စနစ်ကို တွန်းလှန်၍ ဆိုရှယ်လစ်စနစ်ဖြင့် နိုင်ငံပြုပြင်ရန် အတည့်အလင်းတိုက်တွန်းခဲ့ လို့ ဗြိတိသျှအစိုးရက ရန်သူတော်အဖြစ်သတ်မှတ်ခဲ့ပါတော့တယ်။ အဲဒီနှစ်မှာသားတပည့်တွေဖြစ်တဲ့ သခင်အောင်ဆန်းတို့ မြေအောက်တော်လှန်ရေးစတင်တော့ ဆရာကြီးလည်းမြေလျှိုးခဲ့ရတာ ၁၉၄၂ခု လောက်အထိပါ။

ဂျပန်ခေတ် ဖက်ဆစ်စနစ်ရဲ့ အနိထ္ထရုံတွေကို ကြုံရတော့ မိမိရဲ့ သားတပည့် ဗိုလ်ချုပ်အောင်ဆန်းကို “အောင်ဆန်းရယ်၊ နင်တို့ပင့်လာတဲ့ ဘုရားများကလဲ သောင်းကျန်းလိုက်တာကွယ်” လို့ ကရုဏာဒေါသော နှင့် သတိပေးခဲ့ ဖူးပါတယ်။ ဂျပန်တွေ ဆရာကြီး လက်ဝဲယိမ်း မှန်းရိပ်မိလာတဲ့အခါ မြေထပ်လျှိုးခဲ့ရပြန်ပါတယ်။ ၁၉၄၅ခုမှာ ဒုတိယကမ္ဘာစစ်ကြီး ပြီးတော့ ဆရာကြီး တို့ဗမာအစည်းအရုံး ရဲ့ ဥက္ကဋ္ဌ ပြန်ဖြစ်လာခဲ့ပါတယ်။ ၁၉၄၇ခု၊ ဇူလိုင်လ မှာ အမျိုးသားခေါင်းဆောင်ကြီး ဗိုလ်ချုပ်အောင်ဆန်း နှင့် လုပ်ဖေါ်ကိုင်ဖက်တွေ ကျဆုံးတော့ အာဇာနည်ဗိမာန်ဋ္ဋီကာ နှင့် ငိုချင်းချခဲ့ ပါ တယ်။ လွပ်လပ်ရေးခေတ်၊ ၁၉၅၀ခု၊ ဇန်န၀ါရီလ မှာတော့ ဆရာကြီးကို နိုင်ငံတော်က အင်္လကာကျော်စွာ ဘွဲ့ဖြင့် ကျေးဇူးဆပ်ခဲ့ပါတယ်။

၁၉၅၂ခု မှ ၁၉၅၇ခု များအတွင်းမှာ မြန်မာ-နိုင်ငံတကာ ငြိမ်းချမ်ရေးအတွက် ခရီးများစတင်ခဲ့ပါတယ်။ ထိုစဉ်က ကျော်ကြား ခဲ့သည့် ခရူးရှော့ (Nikita Khrushchov)၊ မော်စီတုန် (Mao Tse-tung)၊ ဟိုချီမင်း (Ho Chi Minh) တို့ကပါ အရေးတယူ ဂါရ၀ ပြုခဲ့ကြပါတယ်။ ၁၉၅၅ခုနှစ်မှာ ဆိုဗီယက်ပြည်ထောင်စုမှ အပြည်ပြည်ဆိုင်ရာ ငြိမ်းချမ်းရေးဆုကို ချီးမြှင့်ခဲ့ပါတယ်။ ၁၉၆၀ခုနှစ်၊ အရှေ့ဂျာမနီနိုင်ငံ၌ ဆေးကုသရန်သွားစဉ်က Hamburg University မှလည်း ဂုဏ်ထူးဆောင် ပညာရေးပါရဂူဘွဲ့ကို ချီးမြှင့်ခဲ့ပါတယ်။

မြန်မာ့ငြိမ်းချမ်ရေး၊ ကမ္ဘာငြိမ်းချမ်ရေး တို့ကို ကျိုးပမ်းရင်း ၁၉၆၄ခုနှစ်၊ ဇူလိုင်လ ၂၃ရက်နေ့မှာ ဆရာကြီး သခင်ကိုယ်တော်မှိုင်း သူချစ်သည့် မြန်မာပြည်ကို မျက်ကွယ်ပြုသွားခဲ့ပါတယ်။ ဆရာကြီးရုပ်ကလပ်ကို ကန်တော်မင်ပန်းခြံ ဂူဗိမာန်သို့ ပို့ဆောင်ဂူသွင်းခဲ့ကြပါတယ်။ ဘ၀တလျှောက်လုံး အမျိုးသားရေး အတွက်နှစ်မြုပ်ခဲ့ပြီး၊ တိုင်းပြည်လွတ်လပ်သည့်အခါမှာလည်း မည်သည့်ရာထူးမျှ မခံစားပဲ အိမ်အိုလေးထဲမှာပဲ ခေါင်းချသွားခဲ့သည့်၊ ပြည်သူတို့ချစ်သည့် ဆရာကြီး သခင်ကိုယ်တော်မှိုင်း အနိစ္စရောက်သွားခဲ့သော်လည်း ဆရာကြီးရဲ့ တော်လှန်ရေးနှင့် စာပေ၀ိဉာဉ် ကတော့ မြန်မာတို့ရင်ထဲမှာ ထာဝစဉ်ရှင်သန်နေစဲဖြစ်ကြောင်း ဂုဏ်ပြုဖော်ပြအပ်ပါတယ်။

အဘိုးမှိုင်း ကောင်းရာသုဂတိလားပါစေ။

Editorial:

“ဗမာ့လွတ်လပ်ရေး” ဟုဆိုလိုက်သည်နှင့် မြန်မာအားလုံး မတိုင်ပင်ပဲ သတိရမိကြသည်မှာ “ဗိုလ်ချုပ်အောင်ဆန်း” ပင်ဖြစ်သည်။ မှန်ပါ၏။ မြန်မာနိုင်ငံသား အားလုံး ချစ်မြတ်နိုးသော လွတ်လပ်ရေးကို ရှေ့တန်းမှနေ၍ ရယူပေးခဲ့သော ပုဂ္ဂိုလ်မှာ ဗိုလ်ချုပ်အောင်ဆန်း ဆိုလျှင် မည်သူမျှငြင်းဆိုနှိင်မည်မဟုတ်ပါ။

၁၈၈၅ခုနစ်၊ မြန်မာနိုင်ငံ ဗြိတိသျှကိုလိုနီအဖြစ် ကျရောက်ပြီးချိန် မှစ၍ မြန်မာတမျိုးသားလုံး လူမှုရေး၊ ဘာသာရေး၊ ပညာရေး တို့ နိမ့်ကျခဲ့ရသည်။ ဤသို့် နိမ့်ကျမှုများမှ ကယ်တင်ရန် ကျိုးပမ်းနေစဉ်၊ အမျိုးသားခေါင်းဆောင်ကြီး ဗိုလ်ချုပ်အောင်ဆန်း ၁၉၄၇-ခုနစ်၊ ဇူလိုင် (၁၉)ရက်၊ စနေနေ့ ၌ လုပ်ကြံခံ ကျဆုံးခဲ့ရသည်။ အမျိုးမျိုးသော အထင်အမြင်လွဲမှားမှုတို့ကြောင့်၊ နန်းရင်းဝန်ဟောင်း ဂဠုန်ဦးစောသည် ဗိုလ်ချုပ်အောင်ဆန်းနှင့်တကွ နိုင်ငံ့ခေါင်းဆောင်ကြီးများကို ၀င်ရောက်လုပ်ကြံ ပစ်ခတ်ရန် စေခိုင်းသောအဖြစ်သို့ ၀မ်းနည်းဖွယ် ရောက်ခဲ့လေ၏။ (လုပ်ကြံမှုဆိုင်ရာ ယူဆချက်များကို ဦးခင်အောင်ရေးသားပြုစုသည့် Who Killed Aung San? တွင်ဖတ်ရှုနိုင်ပါသည်။)

ဤသို့ ဖြင့် မိမိပုံဖေါ်ခဲ့သော ပြည်ထောင်စုအဆောက်အအုံကြီးအား မမြင်လိုက်ရရှာသည့် ဗိသုကာဗိုလ်ချုပ်နှင့် ခေါင်းဆောင်ကြီးများ ကျဆုံးခဲ့ရသော ဇူလိုင် (၁၉)ရက်နေ့ကို အာဇာနည်နေ့ အဖြစ်မှတ်တမ်းတင် ဂုဏ်ပြုခဲ့ခြင်းဖြစ်သည်။

နှစ်ပါင်း(၆၀)ကြာခဲ့သော်လည်း ပြည်သူတို့ရင်ဝယ် ထာဝရရှင်သန်နေသော ဗိုလ်ချုပ်အောင်ဆန်းနှင့်တကွ အာဇာနည် ခေါင်းဆောင်ကြီးများအား တက္ကသိုလ်နေဝင်းရေးသားသည့် “ကျွန်တော်မမေ့နိုင်သော ဆယ့်ကိုးဇူလိုင်” ဟူသည့် အထိမ်းအမှတ် ဆောင်းပါးဖြင့် ဤနေရာမှ ရိုသေစွာ ဂုဏ်ပြုအပ်ပါသည်။

ဘဇံလင်း၊

ဇူလိုင်လ(၁၀)ရက်၊ ၂၀၀၇။

**************************************************************

ကျွန်တော်မမေ့နိုင်သော ဆယ့်ကိုးဇူလိုင်

(တက္ကသိုလ် နေဝင်း)

“ပျောက်သောသူ ရှာလျှင်တွေ့

သေသောသူ ကြာလျှင်မေ့”

ဤကား မြန်မာလူမျိုးတို့ပြောနေကျ ဆိုရိုးစကားပင်ဖြစ်သည်။

ယျေဘူယျအားဖြင့် မှန်ကန်သော ဆိုရိုးစကားလည်းဖြစ်ပါ၏။

အထူးသဖြင့် အချိန်ကာလကြာမြင့်လာသော် သေသောသူအား တဖြည်းဖြည်း မေ့လျော့ကာ နောက်ဆုံး လုံးလုံး သတိမရတော့သော အခြေအနေမျိုး ဖြစ်လာတတ်သည်။

ဤသို့လျှင် ယျေဘူယျအားဖြင့် မှန်ကန်သော ဆိုရိုးစကားနှင့် ပက်သက်၍ ချွင်းချက် တော့ရှိနေပါသည်။

ယင်းချွင်းချက်ကား လွန်ခဲ့သော(၄၈)နှစ် ၁၉၄၇-ခုနစ်၊ ဇူလိုင် (၁၉)ရက်၊ စနေနေ့က ဖြစ်ပွားခဲ့သော မြန်မာ့သမိုင်းတွင် အလွန်အရုပ်ဆိုး အကျည်းတန်ပြီး မည်သို့မှ ဖျောက်ဖျက် ပစ်၍ မရနိုင်သည့် အစွန်းအထင်း၊ အမည်းကွက်ကြီး (သို့မဟုတ်) နိုင်ငံတော်လုပ်ကြံမှုကြီး ဖြစ်ရာမှ အမျိုးသား ခေါင်းဆောင်ကြီး ဗိုလ်ချုပ်အောင်ဆန်းနှင့်တကွ အပေါင်းပါ အာဇာနည် ခေါင်းဆောင်ကြီးများ အတုံးအရုံးနှင့် ရေတိမ်နစ် ကျဆုံးခဲ့ရခြင်းသည် အချိန်ကာလ မည်မျှပင် ကြာမြင့်စေကာမူ မေ့ပျောက်၍မရနိုင်သည့် ချွင်းချက်ဖြစ်သည်ဟု ဆိုချင်ပါသတည်း။

အထူးသဖြင့် (၁၉-၇-၄၇)နေ့က ဖြစ်ရပ်နှင့်တကွ ယင်းဖြစ်ရပ် မတိုင်မီ တစ်လအတွင်း က ဖြစ်ရပ်များကို အနီးကပ်သိရှိခဲ့ရသူ ကျွန်တော့်အဖို့ မမေ့နိုင်ရုံမက ပြင်းစွာ နာကျည်းကြေကွဲ ခြင်း၊ ယူကြုံးမရဖြစ်ခြင်း၊ ဖြေမဆယ်နိုင်အောင် ပူဆွေးဝမ်းနည်းခြင်း စသော စိတ်လှုပ်ရှားမှုဒဏ် ကို နှစ်စဉ် ဇူလိုင်လ နီးကပ်လာတိုင်း အလူးအလဲခံစားရတတ်ပါသည်။

ဘာကြောင့် ဤသို့ဆိုရကြောင်းကိုလည်း ယခု ဆက်လက်ဖော်ပြလတ္တံသော အကြောင်းအချက်များက အဖြေပေးနိုင်လိမ့်မည် ထင်ပါသည်။

၁၉၄၇ခုနစ်၊ ဇူလိုင်လဆန်းတွင် ‘ဘီအိုဒီ’ ခေါ် ဗြိတိသျှစစ်တပ်ပင်မ လက်နက်ခဲယမ်း သိုလှောင်ရေးတပ်မှ ဘရင်းဂန်း၊ တော်မီဂန်း၊ စတင်းဂန်းစသော မောင်းပြန်လက်နက်များနှင့် တကွ ခဲယမ်းကျည်ဆန် အမြောက်အမြားကို ပစ္စည်းထုတ် ပုံစံအတုများဖြင့် မသမာသူတစ်စုက ထုတ်ယူသွားကြောင်းကို Special Branch ခေါ် ရဲတပ်ဖွဲ့ဌာနချုပ်၏ ‘သတင်းတပ်ဖွဲ့’က သတင်း ရသဖြင့် ပြည်ထဲရေးဝန်ကြီးမှတဆင့် အစိုးရ အဖွဲ့ထံ သတင်းပို့ အစီရင်ခံခဲ့ပါသည်။

ထိုအချိန်က ပြည်ထဲရေးဝန်ကြီး ဦးကျော်ငြိမ်းသည် နိုင်ငံခြား ခရီးထွက်နေ၍ လယ်ယာစိုက်ပျိုးရေးဝန်ကြီး ပျော်ဘွယ်ဦးမြက ခေတ္တ ပြည်ထဲရေးဝန်ကြီးအဖြစ် တာဝန်ယူနေပါသည်။

ဖော်ပြပါ လက်နက်ခဲယမ်းများ လိမ်လည်ထုတ်ယူသွားခြင်းနှင့် ပက်သက်၍ အစိုးရ အဖွဲ့က လိုအပ်သလို ဆောင်ရွက်ရန် ခေတ္တပြည်ထဲရေးဝန်ကြီးအား တာဝန်ပေးလိုက်ပါသည်။

ဝန်ကြီးဦးမြလည်း ပြည်ထဲရေးဝန်ကြီးဌာနက တိုက်ရိုက်ကွပ်ကဲသော (နောက်ပိုင်း ပြည်ထောင်စု စစ်ရဲတပ် UMP ဖြစ်လာသည်။) သောင်းကျန်းမှု နှိမ်နင်းရေးတပ်မှ တပ်စိတ် တစ်စိတ်ကို လက်နက်ခဲယမ်း အပြည့်အစုံ (မောင်းပြန်သေနတ်များအပါအ၀င်)နှင့် ဗိုလ်ချုပ် အောင်ဆန်း၏ ရုံးခန်း ပြင်ဘက်တွင် လုံခြုံရေးတာဝန်ချထားလိုက်သည်။

ဗိုလ်ချုပ်အောင်ဆန်း၏ သဘောထားကို သိထားသူ ၀န်ကြီးဦးမြသည် လက်နက်ကိုင် တပ်စိတ် လုံခြုံရေးအစောင့်ချထားခြင်းကို ဗိုလ်ချုပ်အား လုံးဝအသိမပေးခဲ့ချေ။ ထို့ပြင် ကျွန်တော့်ကိုလည်း နှစ်ယောက်ချင်းတွေ့၍ ရုံးခန်းအပြင်ဘက် လုံခြုံရေးတပ်စိတ်ချထား ကြောင်းကို ဗိုလ်ချုပ်အား မပြောရန် မေတ္တာရပ်ခံခဲ့ပါသည်။ ကျွန်တော်လည်း အလိုက်သိစွာနှင့် ပင် ဦးမြအား ကတိပေးပြီး ဗိုလ်ချုပ်အား မပြောဘဲ နေလိုက်ပါသည်။

သို့ရာတွင် ကံဆိုးချင်တော့ တစ်နေ့ ဗိုလ်ချုပ်နှင့်ကျွန်တော်တို့ ရုံးဘက်လာပြီး ဗိုလ်အောင်ကျော်လမ်းဘက် တံခါးပေါက်မှ ရုံးခန်းသို့ အ၀င်တွင် မလှမ်းမကမ်းရှိ ဘဏ္ဍာရေး ၀န်ကြီးဌာနဘက်သို့ ချိုးကွေ့သည့် ထောင့်နား မောင်းပြန်သေနတ်ကိုင် ရဲဘော်သုံးလေးဦးကို ဗိုလ်ချုပ်က လှမ်းမြင်သွားပါသည်။

ချက်ချင်း ဘာမှမပြောဘဲ ဗိုလ်ချုပ်သည် ရုံးခန်းတွင်းသို့ ရောက်တော့မှ ကျွန်တော့်အား နှစ်ယောက်ချင်း ခေါ်မေးပါသည်။

“ဟေ့ကောင်၊ ငါ့ရုံးခန်းရှေ့က လက်နက်ကိုင် ရဲဘော်တွေက ဘာလုပ်တာလဲ”

“ပြည်ထဲရေးဝန်ကြီးက လိုအပ်တယ်ထင်လို့ လုံခြုံရေးအစောင့်ချထားတာပါ”

ကျွန်တော်က ရှင်းပြသည်ကို ဗိုလ်ချုပ်သည် သဘောကျဟန်မတူပါ။

“မလိုပါဘူးကွာ။ ငါ့ကို ဘယ်သူကမှလည်း လုပ်ကြံမှာမဟုတ်ပါဘူး။ ငါကလည်း မစိုးရိမ်ဘူး။ ငါ့ရုံးခန်းရှေ့မှာ လက်နက်ကိုင် ရဲဘော်တွေ ချထားတာကို ငါ မမြင်ချင်ဘူး။ ဒီတော့ မင်းကိုယ်တိုင် ခုချက်ချင်း ပြည်ထဲရေးဝန်ကြီး ဦးမြဆီ သွားပြီး ငါက ညွှန်ကြားတယ်လို့ပြော။ ငါ့ရုံးခန်းရှေ့က လက်နက်ကိုင် ရဲဘော်တွေကို ချက်ချင်း ပြန်ရုပ်ခိုင်းလိုက်။ ကဲ…မင်း အခုပဲ သွားပြောပေတော့”

ဗိုလ်ချုပ်က တိကျပြတ်သားစွာပြောသဖြင့် ကျွန်တော်လည်း ပြည်ထဲရေးဝန်ကြီးဌာနသို့ အမြန်သွားရောက်၍ ၀န်ကြီး ပျော်ဘွယ်ဦးမြအား ဗိုလ်ချုပ်က အမိန့်ပေးလိုက်ပုံကို ပြောပြလိုက် ပါသည်။

ဝန်ကြီး ဦးမြသည် အလွန်စိတ်မကောင်းဖြစ်သွားပုံရပါသည်။

“ခက်တော့တာပဲကွာ၊ ငါတို့က လုံခြုံရေးအတွက် လိုအပ်တယ်ထင်လို့ လက်နက်ကိုင် တပ်စိတ်ချထားတာကို ဗိုလ်ချုပ်က မြင်သွားတာ ဆိုးတာပဲ။ ဒါပေမယ့် ဘယ်တတ်နိုင်ပါ့မလဲ၊ သူ့အမိန့်ကိုလည်း တို့က မနာခံလို့ မဖြစ်ဘူး၊ ငါတော့ စိတ်မကောင်းဘူးကွာ”

ဤသို့ ငြီးငြူရင်းနှင့်ပင် ၀န်ကြီးဦးမြသည် သက်ဆိုင်ရာသို့ တယ်လီဖုန်းဆက်၍ ဗိုလ်ချုပ်ရုံးခန်းရှေ့မှ လက်နက်ကိုင် လုံခြုံရေးတပ်စိတ်ကို ချက်ချင်း ရုပ်သိမ်းရန် အမိန့်ပေးလိုက် ရပါတော့သည်။

ထိုနေ့ ညနေဘက် ရုံးမှအိမ်သို့ အပြန်တွင် ဗိုလ်ချုပ်သည် စကားများများမပြောဘဲ တစ်စုံတစ်ခုကို စဉ်းစားနေဟန်ဖြင့် ငြိမ်နေရင်းမှ ရုတ်တရက် ကောက်ခါငင်ခါ ကျွန်တော့်အား မေးခွန်းထုတ်ပါသည်။

“ဟေ့ တို့အိမ်မှာနေတဲ့ ရဲဘော်တွေမှာ လက်နက်ရှိသလား”

“မရှိပါဘူး။ ဗိုလ်ချုပ် သူတို့က ပြည်သူ့ရဲဘော်တွေဆိုတော့ တရားဝင် လက်နက်ကိုင် တပ်ဖွဲ့ဝင် မဟုတ်တဲ့အတွက် လက်နက်မရှိကြပါဘူး”

ကျွန်တော်က အမှန်အတိုင်းပြောလိုက်ပါသည်။ သည်တော့မှ ဗိုလ်ချုပ်သည် သူ၏ စိတ်ထဲ ဖြစ်ပေါ်ခံစားမိပုံကို ပြောပါသည်။

“ငါကိုယ်တိုင်ကတော့ သေရမှာလည်း မကြောက်ဘူး။ ဘယ်သူကမှလည်း ငါ့ကို လုပ်ကြံမယ်မထင်ဘူး။ ဒါပေမယ့်ကွာ အိမ်မှာရှိတဲ့ကလေးတွေ အတွက်တော့ ငါစိုးရိမ်သလို ဖြစ်မိတယ်။ ဒီတော့ လိုလိုမယ်မယ်ပေါ့ကွာ။ သက်ဆိုင်ရာကို ဒီနေ့ပဲ မင်းကိုယ်တိုင်သွားပြီး ငါကခိုင်းတယ်လို့ပြော။ သင့်တော်မယ့် လက်နက် နည်းနည်းပါးပါး ထုတ်ယူပြီး အိမ်က ရဲဘော်တွေကို ပေးထားလိုက် ဒါပဲ”

ဤသို့အမိန့်ပေးသဖြင့် ကျွန်တော်လည်း အိမ်ပြန်ရောက်သောအခါ သက်ဆိုင်ရာနှင့် ဆက်သွယ် အစီအစဉ်လုပ်ပြီး တော်မီဂန်းတစ်လက်၊ စတင်းဂန်းတစ်လက်၊ ခြောက်လုံးပြူး နှစ်လက်တို့ကို ကျည်ဆံများနှင့်တကွ ထုတ်ယူကာ တာဝါလိန်းလမ်း ဗိုလ်ချုပ်အိမ်တွင် နေ သော ရဲဘော်များအား ပေးထားလိုက်ပါသည်။

နိုင်ငံတော်လုပ်ကြံမှုကြီး ဖြစ်ပွားခဲ့သည်မှာ ၁၉၄၇-ခုနစ်၊ ဇူလိုင်လ (၁၉)ရက် စနေနေ့ ဖြစ်ပါသည်။

ဗိုလ်ချုပ်အောင်ဆန်း ဦးဆောင်သော အစိုးရအဖွဲ့ဝင်ဝန်ကြီးများ (ကက်ဘိနက်) အစည်းအဝေးကျင်းပနေခိုက် မသမာသူ လူသတ်သမားအဖွဲ့က ၀င်ရောက်လုပ်ကြံ ပစ်ခတ်ခြင်း ဖြစ်သည်။

အမှန်တော့ ယင်းဝန်ကြီးအစည်းအဝေးသည် ဇူလိုင် (၁၉) ရက် စနေနေ့တွင် ကျင်းပရန် မဟုတ်ပဲ။ “ဇူလိုင် (၁၆)ရက် ဗုဒ္ဓဟူးနေ့” တွင် လုပ်ရမည်ဖြစ်သည်။

ဤနေရာတွင် အစိုးရအဖွဲ့ဝင် ၀န်ကြီးများ အစည်းအဝေးအကြောင်း အနည်းငယ် ရှင်းပြ ရန်လိုပေလိမ့်မည်။

၁၉၄၆-ခု၊ စက်တင်ဘာလ (၂၆) ရက်နေ့က ဗိုလ်ချုပ်အောင်ဆန်း အစိုးရအဖွဲ့အာဏာ ကို လက်ခံရယူပြီးချိန်မှစ၍ ၀န်ကြီးအဖွဲ့ အစည်းအဝေးကို အပတ်စဉ် စနေနေ့ နံနက် (၁၀) နာရီ ကျင်းပနေကျဖြစ်သည်။ ထိုအချိန်က ဂဠုန်ဦးစောသည် ဘုရင်ခံက တိုက်ရိုက်ခန့်အပ်ထား သော ၀န်ကြီးတစ်ဦးဖြစ်နေရာ သူသည်လည်း အပတ်စဉ် စနေနေ့တိုင်း ကျင်းပသော ၀န်ကြီး အဖွဲ့အစည်းအဝေးသို့ တက်ရသည်။ သို့ရာတွင် ၁၉၄၇-ခုနစ်၊ ဇန်န၀ါရီလ ၂၇ ရက်နေ့တွင် ဗိုလ်ချုပ်အောင်ဆန်းနှင့် ဗြိတိသျှအစိုးရတို့ သဘောတူချုပ်ဆိုသော “အောင်ဆန်းအက်တလီ စာချုပ်” ကို ဂဠုန်ဦးစောနှင့် သခင်ဗစိန်တို့ သဘောမတူဘဲ ကန့်ကွက် ကြသဖြင့် မြန်မာပြည် ပြန်ရောက်လာသောအခါ ဦးစောနှင့် သခင်ဗစိန် တို့သည် အစိုးရအဖွဲ့ဝင် ၀န်ကြီးအဖြစ်မှ နှုတ်ထွက်သွားကြရသည်။

ထို့ကြောင့် သူတို့နှစ်ဦးသည် နောက်ပိုင်း ဗိုလ်ချုပ် ဦးဆောင်သော အစိုးရအဖွဲ့ အစည်း အဝေးများသို့ မတက်ကြရတော့ချေ။

ဗြိတိန်နိုင်ငံမှ ပြန်လာပြီးနောက် ဗိုလ်ချုပ်အောင်ဆန်းသည် အပတ်စဉ် ၀န်ကြီးအဖွဲ့ (ကက်ဘိနက်) အစည်းအဝေးကို စနေနေ့ မလုပ်တော့ဘဲ ဗုဒ္ဓဟူးနေ့ ကျင်းပရန် ပြောင်းရွှေ့ သတ်မှတ်လိုက်သည်။

ယင်းအကြောင်းကို ဂဠုန်ဦးစောကမသိ။ ၀န်ကြီးအဖွဲ့ အစည်းအဝေးသည် စနေနေ့ (၁၀) နာရီကျင်းပမြဲ ကျင်းပနေသည်ဟု ထင်မှတ်နေသည်။

၁၉၄၇-ခုနစ်၊ ဇူလိုင်လ၏ တတိယမြောက် အစည်းအဝေးကို ဇူလိုင် (၁၆) ရက် ဗုဒ္ဓဟူးနေ့တွင် ကျင်းပရန် သတ်မှတ်ထားပြီး ဖြစ်ရုံမက အစည်းအဝေးဖိတ်စာများကို ၀န်ကြီး အသီးသီးထံသို့ ဖြန့်ဝေထားပြီး ဖြစ်သည်။

သို့သော် ဇူလိုင် (၁၆) ရက်၊ ဗုဒဟူးနေ့တွင် တိုင်းပြည်ပြု လွှတ်တော်၏ ဆပ်ကော်မတီ တစ်ခုဖြစ်သော ဖွဲ့စည်းအုပ်ချုပ်ပုံ အခြေခံ ဥပဒေရေးဆွဲရေး ကော်မတီ အစည်းအဝေးကျင်းပ ရန် ကြိုတင် သတ်မှတ် ထားပြီး ဖြစ်နေသည်။ အစည်းအဝေးနှစ်ခုတိုက်နေကြောင်းကို ကျွန်တော်က ဗိုလ်ချုပ်ထံ သတင်းပို့တင်ပြသောအခါ ဗိုလ်ချုပ်က

“လွှတ်တော်ကော်မတီ အစည်းအဝေးက အရေးကြီးတယ်၊ လူကြီးတွေလည်း ပါနေတယ်။ ဒါကြောင့် အဲ့ဒီအစည်းအဝေးကို ဒီတိုင်းပဲ ထား၊ ကက်ဘိနက် အစည်းအဝေး ကိုတော့ စနေနေ့ပြောင်းလုပ်လိုက်၊ ၀န်ကြီးတွေဆီကိုလည်း ဖိတ်စာအသစ်ရိုက်ပြီး ပေးလိုက်”

ဟု အမိန့်ပေးလိုက်ရာ “မမေ့နိုင်သော ဇူလိုင် ၁၉ ရက်နေ့” တွင် အစိုးရအဖွဲ့ အစည်း အဝေး ကျင်းပဖြစ်သွားကာ နိုင်ငံတော်လုပ်ကြံမှုကြီးလည်း ဖြစ်ပွားခဲ့ရပါတော့သည်။

ဤသည်တို့ကား ၁၉၄၇-ခုနစ်၊ ဇူလိုင်လဆန်းက အမှန်တကယ် ဖြစ်ခဲ့သော ဖြစ်ရပ်များ ဖြစ်ရာ နေ့လယ်ပိုင်း ပြန်လည်သုံးသပ်ကြည့်သောအခါ အလွန်ဝမ်းနည်းယူကြူံးမရ ဖြစ်စရာ ကောင်းလောက်အောင် ကံကြမ္မာ၏ လှည့်စားမှု သို့မဟုတ် အလှည့်အပြောင်းများကို တွေ့ရ ပါသည်။

ပထမအချက်အနေဖြင့် အကယ်၍သာ ဗိုလ်ချုပ်အောင်ဆန်းက သူ၏ ရုံးခန်းရှေ့မှ လက်နက်ကိုင်လုံခြုံရေးတပ်စိတ်ကို ရုပ်သိမ်းရန် အမိန့်မပေးခဲ့လျှင်။

ဇူလိုင် ၁၉ ရက်နေ့ကျတော့ လူသတ်သမားအဖွဲ့ ဗိုလ်ချုပ်တို့အား လုပ်ကြံရန်လာသော အခါ လုံခြုံရေးတပ်စိတ်နှင့် တိုက်ပွဲဖြစ်ရုံသာရှိမည်။ လုပ်ကြံမှုကြီးတော့ မဖြစ်နိုင်။

တိုက်ပွဲဖြစ်လျှင်လည်း လုံခြုံရေးတပ်စိတ်က လူအင်အား၊ လက်နက် အင်အား ပို ကောင်းသဖြင့် လူသတ်သမားအဖွဲ့အား တစ်ယောက်မကျန် သုတ်သင်ခြေမှုန်းပစ်နိုင်မည်မှာ သေချာသည်။

အကယ်၍သာ တိုင်းပြည်ပြု လွှတ်တော် ဖွဲ့စည်းပုံအခြေခံဥပဒေ ရေးဆွဲရေး ကော်မတီ က ဇူလိုင် (၁၆) ရက်နေ့တွင် အစည်းအဝေးကျင်းပရန် ချိန်းမထားခဲ့လျှင် ၀န်ကြီးအဖွဲ့ (ကက်ဘိနက်) အစည်းအဝေးကို ခါတိုင်းအပတ်စဉ် ကျင်းပနေကျ ဗုဒ္ဓဟူးနေ့ (ဇူလိုင် ၁၆)တွင် ကျင်းပ ဖြစ်မည်။ ဗုဒ္ဓဟူးနေ့တိုင်း ကျင်းပသော ၀န်ကြီးအဖွဲ့ အစည်းအဝေး အကြောင်း မသိသူ ဂဠုန်ဦးစောသည် သူ၏ လူသတ်သမားအဖွဲ့အား ဇူလိုင်လ ၁၉ ရက် စနေနေ့တွင် လွှတ်မည် ဖြစ်သည်။ သို့ဖြစ်လျှင် ၀န်ကြီးအစည်းအဝေးမရှိ၍ လုပ်ကြံမှုကြီးလည်း ဖြစ်ပွားမည် မဟုတ်ချေ။

အကယ်၍သာ လူသတ်သမားအဖွဲ့သည် ဗိုလ်ချုပ်အား အတွင်းဝန် ရုံးတွင် မလုပ်ကြံပဲ ဗိုလ်ချုပ်၏နေအိမ် (ဗဟန်းတာဝါလိန်းလမ်း ယခု ဗိုလ်ချုပ်တည်ရှိရာ)တွင် လာရောက်လုပ်ကြံ ပါက သူတို့သည် ဗိုလ်ချုပ် ရှိရာ အိမ်ပေါ်ထပ်သို့ပင် တက်နိုင်မည်မဟုတ်။ ဗိုလ်ချုပ်၏ အမိန့်ဖြင့် ကျွန်တော်ကိုယ်တိုင် လက်နက်တပ်ဆင်ပေးထားသော အိမ်ရှိ ရဲဘော်များနှင့် ရင်ဆိုင်တိုက်ပွဲ ဖြစ်မည်။ ယင်းသို့ တိုက်ပွဲဖြစ်လျှင် အိမ်မှ ပြည်သူ့ရဲဘော် များသည် ဘီဒီအေ တပ်မတော်နှင့် ဖက်စစ်တော်လှန်ရေး တပ်သားရဲဘော် များဖြစ်၍ လက်နက်ကိုင်တွယ်မှု ကျွမ်းကျင်သည့်ပြင် တိုက်ပွဲအတွေ့အကြုံလည်း ရှိသောကြောင့် လူသတ်အဖွဲ့အား အလွယ်တကူပင် တွန်းလှန် တိုက်ခိုက်ပစ်နိုင်မည် ဖြစ်သည်။

သို့ရာတွင် လူသတ်အဖွဲ့သည် ဗိုလ်ချုပ်အိမ်သို့မလာဘဲ လက်နက်ကိုင် အစောင့်မရှိ သော အတွင်းဝန်ရုံးသို့ သွားရောက်လုပ်ကြံခဲ့သည်။

ထို့ကြောင့်လည်း လုပ်ကြံမှုကြီး ဖြစ်မြောက်ခဲ့ရသည်။

ဗိုလ်ချုပ်ခမျာ ဖခင်တို့၏ ကြီးမားသော မေတ္တာအဟုန်ကြောင့် လူမမယ်ရင်သွေးငယ် များအတွက် စိုးရိမ်မကင်းဖြစ်ကာ “လိုလိုမယ်မယ် ပေါ့ကွာ”ဟုဆိုပြီး ကျွန်တော့်အား အိမ်မှ ရဲဘော်များအား လက်နက် တပ်ဆင်ခိုင်းခဲ့သည်။ သူ့ကိုယ်သူ အတွက်တော့ လုံးဝမစိုးရိမ်ဘဲ “ငါက သေရမှာလည်း မကြောက်ဘူး။ ဘယ်သူမှလည်း ငါ့ကို လုပ်ကြံမှာ မဟုတ်ပါဘူး”ဟု ပြောခဲ့ရှာသည်။ သို့သော် တကယ်ကျတော့ သူထင်သလို မဖြစ်ခဲ့။ သူချစ်မြတ်နိုးသော ရင်သွေးငယ်များ ဘာမှမဖြစ်ပဲ သူကိုယ်တိုင်ကသာ (၁၉-၇-၄၇)နေ့က မရှုမလှ “ရေတိမ်နစ်” ကျဆုံး ခဲ့ရရှာသည်။

ကံတရားက ဗိုလ်ချုပ်နှင့်တကွ ကျွန်တော်တို့ နိုင်ငံသားအားလုံးကို ဒဏ်ခတ်သလို ပျက်ရယ်ပြု လှည့်စားလိုက်ခြင်းပေလား။

ဗုဒ္ဓရှင်တော်ဘုရား၏ အဆုံးအမအရ ကံ၊ ကံ၏အကျိုးကို ယုံကြည်ရမည်ဟု ညွှန်ပြထားပါသည်။ ထို့ကြောင့် မည်သို့မှ မမေ့နိုင်သော ဇူလိုင် ၁၉ ရက်၊ စနေနေ့က ဖြစ်ရပ်အကြောင်း ပြန်ပြောင်းသတိရမိတိုင်း

“သတ္တ၀ါမှန်သမျှ ကံစီမံ ဖန်တီးရာသာ လိုက်နာ၊ နာခံနေကြရသည်ပါတကား”

ဟူသော အဂုင်္တ္တရနိကယ် အဘိဏှသုတ်တော်လာ တရားသဘောအတိုင်း ဆင်ခြင် နှလုံးသွင်း၍ သံဝေဂဥာဏ်ပွားများကြရန်သာ ရှိပါတော့သတည်း။

စတိုင်သစ်မဂ္ဂဇင်း

(ဇူလိုင်လ၊ ၁၉၉၅)

Acknowledgement: ဤ Post အတွက် အကူအညီပေးခဲ့သော AIT မှ မစံမေခင် အား

အထူးကျေးဇူးတင်ရှိပါသည်။

“သွားပါများ ခရီးရောက်၊

မေးပါများ စကားရ၊

မအိပ် မနေ အသက်ရှည်။” – Desapamauk of Texila

Maung Pauk Kyaing had been as student at the University for three whole years, but he had learnt absolutely nothing, because he was very lazy. At the end of the course of three years, other students bade farewell to their teacher, and returned to their respective homes, full of learning. Maung Pauk Kyaing also bade farewell and the teacher felt sorry for him. ‘My son,’ said the teacher, ‘you have learnt nothing so far, but try to remember the following maxims of wisdom, which are my parting gift to you:–

“If you walk on and on, you get to your destination.

If you question much, you get your information.

If you do not sleep and idle, you preserver your life!”’

So Maung Pauk Kyaing left the University for his home, but when he had gone some distance, he decided to go and see the wonderful city of Tagaung, before returning to his village. Tagaung was many miles away, and as he had no money he could not hope to travel on horse or cart. So, he traveled on foot, and although many days passed and Tagaung remained still far away, he never lost heart. At last he reached Tagaung, and he realized how true and valuable was the maxim – ‘If you walk on and on, you get to your destination.’

At Tagaung, he obtained some employment, although ill-paid. He spent his leisure hours in asking people many things about the city. He soon obtained the interesting information that the kingdom was ruled by a Queen, and not by a King. He wanted to find out why that was so, and after repeated questioning he discovered that the Queen had been married to several Kings in turn, but each King had mysteriously died in bed on the wedding night. Nobody now dared to marry the Queen, although the ministers, maintaining that it was more satisfactory for a kingdom to be ruled by a King, had declared that the man who would marry the Queen would be King. Maung Pauk Kyaing was glad to get this information, and he realized with gratitude how true was the second maxim of his teacher – ‘If you question much, you get your information.’

Maung Pauk Kyaing now marched boldly into the palace, and informed the ministers that he was willing to marry the Queen. He was duly wedded to her, and declared to be King. When he went to the royal bed-chamber that night, he took with him the stem of a banana plant, and hid it under the bed. He then got into bed and, pretending to be asleep, waited for the Queen, who came in soon after and fell asleep by his side. Maung Pauk Kyaing stealthily got up from bed. He put the banana stem in his place in the bed and, covering it with the blankets, he made it look as if it were a man sleeping. Then he hid himself from view behind a pillar, and awaited events. Some hours later, he saw a Naga-Dragon appear from behind the rafters, and slide down the pillar nearest the royal bed. The Dragon became very furious when he saw the form of a sleeping man by the side of the Queen, and he struck his fangs with all his might at the banana stem, but his fangs became stuck in it. Maung Pauk Kyaing rushed to the now helpless Dragon and killed him with one stroke of his sword. The Queen woke up and was stricken with grief, for the Dragon had been her secret lover for many years; it was the Dragon who killed her unwanted husbands, before Maung Pauk Kyaing. Maung Pauk Kyaing, in contrast to be doleful Queen, was in great joy, and he realized how true was the maxim – ‘If you do not sleep and idle, you preserve your life.’

The next morning there was joy all over the city at finding the King still living, but the Queen was furious with her husband. She bribed the servants not to bury the dead body of the Dragon, but to bring it to her room. She then sent for a huntsman and, swearing him to secrecy, asked him to tear off the skin of the dead Dragon; to him, she gave one thousand sliver coins as reward. She then sent for a seamstress and, swearing her to secrecy, asked her to sew a pillow out of the skin; to her, the Queen gave one hundred sliver coins as reward. The Queen herself took one of the Dragon’s man bones, and made it into a hairpin. Then she went to Maung Pauk Kyaing who was sitting in council with his ministers, and begged for a boon. Maung Pauk Kyaing, wanting to be friends with the Queen, replied, ‘I grant you the boon, my Queen, even before I know what it is.’

‘My Lord,’ said the Queen, ‘the boon is that you make a wager with me.’ Maung Pauk Kyaing agreed. ‘My Lord,’ went on the Queen, ‘I will set you a riddle, and I will give you forty days to find the answer. If, on the evening of the fortieth day from now, you can solve it correctly, you are to kill me; but, if you cannot, I am to kill you. And here is the riddle:

“For a thousand, he was torn,

ထောင်ပေးလို့ စုတ်၊

For a hundred, he was sewn,

ရာပေးလို့ ချူပ်၊

The loved one’s bone was made into a hairpin.”’

ချစ်တဲ့သူအရိုး ဆံထိုးလုပ်။”

Poor Maung Pauk Kyaing! He was never a scholar, and he remembered with regret the years he wasted at the University. He asked his ministers, he consulted his wise men, he questioned all and sundry, but no one could tell him the solution of the riddle. Days passed, and Maung Pauk Kyaing lost all hope.

In his misery, Maung Pauk Kyaing forgot to send for his parents who lived in a remote village, or acquaint them of the fact that he had become King. But the parents heard rumours that their son had become King, and they set out for the capital. They arrived at the outskirts of the city on the fortieth day of the riddle. They rested under a tree and ate their meal which they had brought with them. But they were so excited at the prospect of seeing their son that they were unable to eat much, and so they threw away their food. They saw a male and a female crow come and eat up the food, and then to their surprise they found that they could understand what the crows were saying to each other. ‘We have had a royal meal,’ said the female crow, when she had eaten, ‘but I am afraid we cannot have such full meals every day. Dear husband, how are we to solve the food problem tomorrow?’

‘Do not worry, dear wife,’ replied the male crow, ‘for tomorrow Maung Pauk Kyaing will die; his body, cut in pieces, will be on the scaffold, and you and I can pick out his eyes. In fact, we shall feast on a King’s body.’

‘Why should he die?’ queried the female crow.

‘Because he cannot solve the riddle and this evening the time limit expires.’

‘You are very wise,’ the female crow said with affection and pride, ‘you know all the news. Perhaps you even know the answer to the riddle.’

‘Of course, I do,’ boasted the male crow. ‘The riddle refers to the Dragon’s body. His skin was torn off for one thousand sliver coins, the skin was then sewn into a pillow for one hundred silver coins, and one of his bones was made into a hairpin by the Queen herself.’

‘How do you know that it is the correct solution?’ asked the female crow.

‘I watched the Queen’s chamber that day,’ explained the male crow, ‘for I thought I would have an opportunity to peck out the Dragon’s eyes.’

‘What did you intend to do with his eyes?’ asked the female crow.

‘To give them to you to eat, of course,’ explained the male crow.

‘What a loving husband you are!’ said the female crow. Then the two crows flew away.

The old couple, after listening with bated breath to the crows, rushed to the palace, shouting, ‘The Solution, the Solution,’ which caused the guards to throw open the gates to them. They greeted their son with cries of ‘The Solution, we know the Solution!’ Maung Pauk kyaing was very happy to see them, but he did not believe that they had hit on the right solution, until they told him their story.

That evening, Maung Pauk Kyaing sat in council with his ministers, waiting for the Queen. The Queen came in, looking radiant with joy, for she thought that Maung Pauk Kyaing would not be able to give the correct answer to the riddle. ‘Are you ready die, My Lord?’ she mocked. ‘Or have your wise ministers told you the answer to my riddle?’

‘I will solve your riddle,’ replied Maung Pauk Kyaing, and gave the answer.

The Queen shook with fear for her life, but Maung Pauk Kyaing was magnanimous; he did not kill her but merely exiled her. Maung Pauk Kyaing proved to be an able ruler, and his people came to love him greatly.

Notes: The following story is one of the most famous Burmese folklores. Maung Htin Aung, D.Litt, translated it in 1948. It also appeared as “The Monster in the Bridal Chamber in Aarne and Thompson: Types of Folk-Tale”.

“Neither the shrine itself, nor the relics, nor images are the objects of the adoration of the pious. The Burman, it cannot be too much urged, is not an idolater. He worships neither relic nor image. The pagoda and the figure only supply him with a seemly place to utter the praises of the great Buddha, and to form resolutions to imitate, as far as he can, the charity and the sinless life of the great model.” – Sir. J. George Scott (Shwe Yoe)

At the end of the last world-period five lotus-buds sprang up on the Theinguttara Hill, where now the Shwe Dagon pagoda stands. They opened their leaves and disclosed each of them within its chalice a thengan, the holy yellow robe of the monastic brethren. Then a huge bird settled on the top of the hill and laid an egg, and from this was presently hatched the kalawaik, the carrying bird of Vishnu, which sized the sacred garments and flew up to the heavens. This was an omen foretelling the appearance of five Buddhas in the present world cycle, and accordingly the universe which had existed in the preceding kalpa was shortly afterwards destroyed, with Mount Meru, the enclosing Set-ya-wala hills, the six heavens of the nat-dewas, and many of the lower seats of Byammas. Then followed myriads of years of chaos; then myriads more while the present world called Badda was being constructed atom by atom, and at last the earth was ready and prepared to receive the first Buddha, Kaukkathan. He left his staff on the Theinguttara Hill; his successor Gawnagong deposited his water-filter beside it, and the third Buddha, Kathapa, added a portion of his robe.

    In the time of the fourth Buddha, Gautama, there lived on the Theinguttara Hill a gigantic scorpion, so huge that it devoured every day an elephant, and the tusks of its many victims were set up in a great ring fence round about its den. One day seven foreign ships passed along the coast. The sailors saw the white glimmer of the ivory from far out at sea, and landed to ascertain what it was. They began loading their ships with the precious treasure; and were working their hardest, when suddenly they saw the giant scorpion coming straight at them. They rushed on board, cut their cables, and stood out to sea. But here a new danger awaited them. A monster crab reared two gigantic claws out of the waters and threatened to crush anything that passed between. But there was no retreat, and, overwhelmed with terror, they drove before the wind. The vessels just managed to pass through without touching the claws with their yards or masts; but the scorpion, following in hot pursuit, rushed up against both pincers with its bulky body, and they closed in an instant, crushing and rending the monstrous prey. The crab itself died of the poisonous food, and the neighbourhood of the holy hill was thus freed from its terrors.

    Not long afterwards another ship sailed in these waters. Near Twante, a town about twenty miles from Rangoon, lived a pious Talaing merchant, who had two sons named Pu, or dove, and Tapaw, or plenty. These young men heard that there was a famine in the western lands, and set sail thither with a shipload of rice. They landed at the mouth of the Ganges, and having procured five hundred wagons, loaded them with their grain tand travelled into the Wethali country. There one day their wagons were suddenly arrested, and as it were chained to the earth. While they were seeking for the cause, a nat, who is in previous existence had been their mother, appeared to them and asked: “Desire ye store of gold and precious things, or rather desire ye heavenly treasure?” They answered, “Heavenly treasure.” Thereupon the nat bade them go to where Shin Gatama, the embryo Buddha, was sitting beneath the yaza-yatana tree in the seventh period of seven days’ meditation, which immediately preceded his becoming perfect. They laid a sack of rice reverently at his feet, and in return received four hairs each. The Buddha renamed them Tapot-tha and Palika, and enjoined them to deposit the hairs on the Theinguttara Hill, beside the relics of the three preceding Bhdhs. The place was to be determined by “takun,” a felled wood-oil tree “lying athwart,” so that neither the top nor the roots touched the ground.

    The brothers, happy in the possession of such inestimable relics, enclosed them in a golden casket, hastened back to their ship and set sail. But they visited many a distant shore without gaining any tidings of the whereabouts of the Theinguttara mount. In vain they besought tha nats, the bilus, and yekkathas, good genii, ogres, and demons, of whom there were many upon earth in those days. The spirits knew no more than the men. At last the king of the Tha-gyas took pity upon them, came down from the heavens, and appearing before the seekers in the guise of a nat, told them to return to their own native land. There, not far from their birthplace, Twante, was the hill they sought for, and the only being who could point it out to them was the guardian spirit of the hill, the aged Sule nat. But his guardian nat had lived so long upon earth that his eyelids had become weak and heavy and had fallen together, so that he was stone blind. Before he could help them at all it would be necessary to restore to him his eyesight, and this could only be done by hoisting up his eyelids with two great wooden props. The Sule nat was of gigantic stature, and the two brothers sought about in the forest for the tallest oil-palms they cound find, cut them down, lopped them into shape, and they went out in quest of the aged guardian spirit. At length they found him so thickly vovered with ancient moss and lichens that it was difficult to recognise as living creature in him. When he was asked there the Theinguttara Hill lay he became suspicious, and brought forward his blindness as an excuse for not being able to indicate its situation. But the two brothers were prepared with their remedy. They got their two gereat beams into position, and after much trouble managed to hoist up his heavy lids so far that the light fell in a narrow streak on this pupils. Sule then indicated with a wave of his hand in what direction they were to go, and Tapot-tha and Palika set off again on their search. But here they encountered a new difficulty. Instead of one hill they found three, with a lake in the middle of them, and thre was nothing to show where the staff, the filter, and the bathing robe of the pervious three Budhs lay buried. They were in despair, but the king of the Tha-gyas again came to their aid. He descended with his subject dewas during the night and united the three peaks into one. The next day the brothers felled the tree on the summit and it fulfilled the required conditions. “It remained poised on its centre on the peak. Its top touched not the ground, and its root touched not the ground. Therefore the place was called in the Mon language, Takun.” A pagoda was built twenty-seven feet high, and all the land round about on which its shadow fell between sunrise and sunset was consecrated to it for ever. The dewa king prepared a golden boat to hold the casket containing the haris, and thi vessel circled about perpetually on the lake, and was protected by water-wheels, whose spokes were prolonged into great swords and knives that struck out in all directions and turned without ceasing, except for a moment at midday, when they halted for the space of time during which a woman might draw out a thread from her spinning-loom.

    Long after, the royal elder brother of China, King Udibwa, during his wars with the Burmans, was exceedingly anxious to carry off the sacred relics which are deposited in the Rangoon shrine. He prepared a magic figure in human form and despatched it to steal the Budhs’ remains. The creature crawled all the way down the Irrawaddy on its stomach until it arrived at the suburb of Rangoon called Kemindine (“the looking-post”). There it raised its head to look for a moment, and was so overcome by the splendour of the shrine that it delayed too long, and when at length it stretched out its hands to steal the relics, the favourable moment at noon was passed, and whirling swords cut it in pieces. Since then the whole of the treasures have been walled up in the relic-chamber, whence nothing but the entire destruction of the paya could remove them. The marvellous wealth of the shrine has been a fruitful source of wonder and speculation to many. Nevertheless the statement of Sonnerat that the spire, which has now risen to the height of nearly 370 feet, has a narrow funnel descending from the top down to the basement, and that down this shaft princes, rich men, and the religious of all nations cast gold and sliver and precious stones, has a foundation only in the imagination of the Gallic writer. The crown or “umbrella” at the top is known to be crusted thick on the upper ring with precious stones, and from it hang scores of jewelled gold bells, placed there in recent times, but to the mysterious relic-chamber no one has penetrated for hundreds of years, nor probably ever will. Neither the shrine itself, nor the relics, nor the images, are the objects of the adoration of the pious. The Burman, it cannot be too much urged, is not an idolater. He worships neither relic nor image. The pagoda and the figure only supply him with a seemly place to utter the praises of the great Buddha, and to form resolutions to imitate, as far as he can, the charity and the sinless life of the great model.

Notes: The following article is taken from The Burman: His Life and Notions, Chapter (XVI). It is a sole work of Sir. James George Scott (legendary Shwe Yoe).